amalinks wokungena

Breaking News

Grain Millers Association: Akumelanga iNational Foods Ivalwe Ngenxa Yokusilela Kwengqoloyi


Christine Peresuh harvests corn in her garden in Harare, Tuesday, April 5, 2005. Faced with soaring prices and a scarcity of jobs, a growing number of city residents are resorting to growing their own food. They use any piece of land they can find. Corn

Abenhlanganiso yeGrain Millers’ Association of Zimbabwe (GMAZ) bathi akumelanga abantu bethuswe ngokukhulunywa yinkampani yeNational Foods ethi isizavala amanye amafekithali ngenxa yokuswelakala kwengqoloyo lokunye.

Lokhu kwethulwe ngumgcinisihlalo wenhlanganiso yabagayisa okudla okutshiyeneyo le, uMnu. Tafadzwa Musarara, okhulume lentathelizindaba namuhla eHarare.

UMusarara ukhulume lokhu ngesikhathi inkampani yeNational Foods isithi ilakho ukuvala amafekithali eHarare lakoBulawayo ngenxa yokwehluleka ukuthola imali yokubhadala abakuthenga kwamanye amazwe.

Uthi lokhu akumelanga kwethuse uzulu. “Iqiniso yikuba amankampani wonke akulel’ibhizimusi atholiswa usizo ngaphansi kobudlelwano beGMAZ leReserve Bank kwezokuthenga impahla edingakalayo.”

Kodwa uMnu. Michael Lashbrook, umqondisi wenkampani yeNational Foods Private Limited, uthi balakho ukuvala amafekithali ngenxa yokuthi kabatholi imali yakwamanye amazwe yokuthenga ingqoloyi leyinye impahla abayigayisayo.

Uthi lokhe bekhulumisana lebhanga elikhulu lelizwe eleReserve Bank of Zimbabwe ngokuthola imali yokuthenga abakufunayo.

Umphathintambo wogatsha lwezokuthengiselana lokuthuthukiswa kwamankampani, uMnu. Mangaliso Ndlovu, uthe ilizwe lilenqoloyi elakho ukuqeda inyanga ezimbalwa.

“Ingqoloyi ikhona eZimbabwe, esilayo ilakho ukuthi ingasitshova inyanga ezintathu kusiyafika ezine. Uhlupho oluncane obelukhona ngobeluqondana lendaba ze-price ukuthi abagaya ingqoloyi besenza iflour bathenga ngemalini eGMB (Grain Marketing Board). Kodwa lokhu sikulungisile kudale leCabinet … Sikhangelele ukuthi akula nkampani ezavala ngenxa yokusilela kwenqoloyi. Labo akade bethembise ukuthi bazavala bazathola usizo.”

Uthe uhulumende uzimisele ukusiza a mankampani abhekane lobunzima kwezokutholiswa imali yakwamanye amazwe yokuthenga abakufunayo.

Ezinye izizalwane zeZimbabwe ezikhulume lomsakazo lo ziveze ukudana okumangalisayo ngokwenzakala kwele Zimbabwe.

Omunye wabo nguMnu. Nkosikhona Dibidi. “Eqinisweni yikuthi isinkwa sike sasilela sesikhwelile njalo yinto esiyaziyo le lakuma shops siyabona ukuthi siyahlupha. Kasisatholakali ngendlela eqondileyo.”

Ingcwethi kwezomnotho, uMnu. Masimba Kuchera, uthi lokhu kuveza ukuthi sibi

Abenhlanganiso yeGrain Millers Association of Zimbabwe bathi kulemikhumbi emibili eletha ingqoloyi. Ithi abantu sebeqalisile ukwethula amasaka engqoloyo komunye umkhumbi kuthi-ke omunye lokhe uselwandle. Kasenelisanga ukukhuluma labanikazi bemikhumbi le ngodaba lolu.

Udaba Esilethulelwe NguMavis Gama
please wait

No media source currently available

0:00 0:03:53 0:00

Facebook Forum

XS
SM
MD
LG