amalinks wokungena

Breaking News

Abe Bhilithani Bathola iVoters Roll Abanengi eZimbabwe Bengakayitholi


Zimbabwe Voters Roll
Zimbabwe Voters Roll

Abezombusazwe, abenhlanganiso zamalungelo kazulu bathi bamangaliswe yikuthi abakwamanye amazwe anjengeBhilithani esebika enkundleni zebulenjini kuTwitter ukuthi aselutholile bona bengakalutholi.

Ugwalo lweVoters Roll lokhe lungakafinyelelwa ngabanengi laloba iZEC isithi soluphumile.

Abamabandla ezombusazwe abanengi bakoBulawayo bakhala ngokuthi lokhe bengakatholi lolugwalo okugoqela labebandla elibusayo eleZanu PF.

Omunye wabo umongameli weMthwakazi Republic Party (MRP) umnumzana Mqondisi Moyo uthi nfoMvulo ekuseni bahambile emahofisini abeZEC besiyacela lologwalo kodwa baluncitshiwe.

"Silokudana okukhulu lapho esithole khona amanewspaper esithi iVoters Roll isiphumile. Okusidanisileyo yikuthi namhla nje ekuseni sivukele eZEC ukuze siyethola iVoters Roll bathi abakwazi lokho bathwele isoft copy abebeyisebenzisa mzwana wenomination court. Lokhu kusitshengise ukuthi iZEC ayilaqiniso njalo iqilibezela amabandla aphikisayo ikakhulu thina esilamalunga ethu adisqualifayiweyo".

Olilunga ledale lephalamende njalo engowebandla leZANU Pf umnumzana Joseph Tshuma, uthe uthole umbiko wokuthi azothatha ugwalo lweVoters Roll ngoba selulungile kodwa ubengakakwenzi lokho.

"Amavoters roll lami angikatholi eyami kodwa bengithumele ongimeleyo ukuthi bayekukhangela lokho, I ZEC yathi sokulunga sesingaqala ukuzowabhadalela siwathathe so yikuthi angikahambi khona ngizavukela khona kusasa yikho ezizakuba leqiniso lokuthi kuhamba njani".

Ilunga le National Patriotic Front (NPF) umnumzana Nassisio Makhulumo uthe ibandla lakhe alikatholi iVoters Roll ethi lokhe belindile njalo bazibuza ukuthi kungani I ZEC ingakabanikezi ugwalo lolu njengokuthembisa kwayo.

IZEC yathembisa ukuthi izanikeza abamabandla aphikisayo iVoters Roll yebulenjini kodwa lokhu akukenzakali kuze kube manje.

Iphephandaba leChronicle liveze ukuthi abesigodlo sommeli weBhilithani eZimbabwe sesitholile lolugwalo okuyisimanga ukuthi kwenzakala njani amabandla ezombusazwe engakalutholi okusolwe ngabanengi ikakhulu ingcwethi ezicubungula ezombusazwe, abenhlanganiso zamalungelo oluntu kanye labamabandla ezombusazwe aphikisayo.

Udaba lweVoters Roll siluphiwa nguBathabile Masuku
please wait

No media source currently available

0:00 0:03:04 0:00
XS
SM
MD
LG