amalinks wokungena

Breaking News

CCJP: Sikhathazekile Ngesimo Somnotho Elizweni


Abenhlanganiso yeCatholic Commission for Peace and Justice (CCJP) bathi ukungezwani lokufuthelana elizweni kuvezwe sobala yimpumela yokhetho olwenziwe lonyaka ngoNtulikazi lakunhlangothi zonke zempilo kusukela ezabelweni, abasakhulayo, abahlala emaphandleni lemadolobheni kanye lokuxhasana ngemihlobo.

Obona ngokuqhutshwa kwenhlelo kuCCJP, Paul Muchena uthi ukungezwani lokhu kungalungiswa yikukhumisana umlotha okumele kwenziwe yikhomishini yeNational Peace and Reconciliation.

“... Kumele ikhomishini le iqalise ukusebenza ngokufaneleyo yanelise ukuhlanganisa labantu abaxabanayo kanye lomphakathi wonke jikelele. Thina njengabezokholo sibona kumqoka ukuba kube lendlela zokukhulumisana, kulesidingo sokuba silungisise lokho okuhluphayo phakathi kwethu endaweni yokube lokhe abantu beqhubeka be donselana. Sikhona ngempela isizatho sokuba kuxoxiswane ngoba njengoba sibona uzulu elizweni ulamanxeba alokhe engakapholi.”

Okhokhela inhlanganiso ephatheke emikhankasweni yokufundisa uzulu phezu kwesisekelo sombuso eye #ThisConstitution, uNkosazana Abiagail Mupambi, uthi inkinga elizweni yikuba uzulu ukhangelele kunkokheli yezombusazwe ukuba kube yiyo ekhokhela kwezokumanyaniswa kwabantu.

Abezokholo kanye labenhlanganiso ezisebenzisana lozulu bathi ukudonselana yikho okwenza ukuthi abantu baxabane elizweni.

please wait

No media source currently available

0:00 0:03:18 0:00

Facebook Forum

XS
SM
MD
LG