amalinks wokungena

Breaking News

AbeChitungwiza Banikwa Izithanda Okusemthethweni


Chitungwiza

Idolobho le Chitungwiza elibhekana lodubo lokwanda kwabantu abazihlalisa ngaphandle komthetho seliqalise umsebenzi wokunikeza abanye babo lezindawo ngokusemthethweni kodwa okulinyathelo elisolwa kakhulu yinhlanganiso ezimela izakhamizi kuleli dolobho.

Encwadini yakhe ayibhalele izakhamizi zeChitungwiza unobhala walelidolobha umnumzana George Makunde uthi manisiphala wakhe usehlela lokulungisisa indawo ezilabantu abahleli ngaphandle komthetho ukuba zibe semthethweni.

Umnumzana Admire Zaya wenhlanganiso yezakhamizi yeChitungwiza Progressive Residents Association uthi likhansili ikhanya isisenza lokhu ngoba isisehluleka ukususa lababantu njalo ifuna ukuba izitholise imali kibo ethi okudingakalayo yikuba ikhansili ilandele umthetho.

Likhansili ithi wonke umuntu ohleli ngokungaphandle komthetho kumele abhadale inkulungwane lamakhulu amahlanu amadola-$1500 ku stand ngainye njengenhlaulo yokuzinikeza indawo yokuhlala ngokungaphandle komthetho kunye lama dollar alitshumi lanye $11 ngenyanga kusukela ngenyanga kaDecember 2013 kuze kube lamhlanje ukuze bethole ingwalo zokulungisisa indawo zabo ukuze zibe semthethweni.

UZaya uthi lokhu kuzabangela ukuba abantu abanengi belingisele ukuhluthuna umhlabathi ukuze labo belungiselelwe labo bethatha lendawo ezilungiselwe imisebenzi eqakathekileyo.

Umqondisi wenhlanganiso ye Chitungwiza Residents Trust umnumzana Marvelous Khumalo uthi noma ukulungisisa izitanda lezi kungaba kuhle akukacaci ukuba likhansili yakhetha njani ukuhlawulisa abantu ethi njalo li khansili yakhetha njani ukusebenzelana lenhlanganiso ye Urban Development Corporation kuloludaba kulokuthi inikeze i-Tender kunhlanganiso ezingafuna ukuphatheka kuloludaba. Ethi i- $11 kumuntu ayizwisiseki ngoba kungela migwaqo kulawa ma stand njalo kungela misebenzi efana lokubuthwa kwezibi njengoba lemigwaqo ingekho okwamanje.

Ikhansili yeChitungwiza ilodubo lwabantu abahluthuna indawo zokuhlala santando kundawo ezigoqela I St Marys, Zengeza, Seke South le Unit J njalo behlala besethusela ukuba bazadilizela abantu laba izindlu zabo.

XS
SM
MD
LG