amalinks wokungena

Breaking News

AbeCITE Bavula Okusemthethweni Indlu Yokugcinela Imbali yeGukurahundi.


Gukurahundi Memorial Center

Inhlanganiso yezokulwelwa kwelungelo loluntu, yakoBulawayo, eyeCITE ivule okusemthethweni indlu yokugcinela imbali yeGukurahundi.

AbeCITE baphinde bethula emkhosini munye umfanekiso weDocumentary okhuluma ngodaba lombugqazwe lo, owabulalisa abantu abazinkulungwane ezingamatshumi edlula amabilil, emhlubulweni weMandebeleni leNkabazwe. IDocumentary elesihloko esithi “I want my virginity back” izaphanyekwa njalo enkundleni ezehlukeneyo zokuxhumana ezebulenjini kutso abeCITE.

Umqondisi weCITE, uMnu Zenzele Ndebele ukhuluma kabanzi ngomsebenzi abawuqale lamhlanje.

”Lamhlanje iCITE iphawule imifanekiso kamabonakude ekhangela ngendaba zokudlwengulwa kwabantu besifazana ngesikhathi sombhuqazwe weGukurahundi yindaba abanengi abangakhulumi ngayo lokhu kuveza ubuhlungu ababhekane Labantu abanengi kuhlanganisa labantwana abazalwa bengelaboyise kumele kulungisiswe uhulumende kumele abekwazi ukuba udaba lokulungisisa ngombhuqazwe ayisikho kungcwaba kutsha abantu kodwa abantu abaphilayo balenhlupho ezinengi ezedlula labo abafayo.”

UMnu Burster Magwizi owalwa impi yenkululeko uthi ukudlwengulwa kwabesifazana kuvame ukusetshenziswa njengesikhali empini.

“Lokhu kwakusenziwa libutho elalivelela empumalanga eleZANLA thina kwasikhathaza kakhulu kodwa babekusebenzisa njengendlela yokutshiphisa lapho ababesebenzela khona ikakhulu abazali babantwana ababedlwengula kuhle kuphazamise ingqondo yomzali kube yikumqoba.”

UMongameli weMRP uMnu Mqondisi Moyo obesemkhosini wokwethulwa komfanekiso wefilimu leGukurahundi uveza umbono wakhe.

“ICITES ivule elinye icele ngohlelo lwabo lokuthi “I want my virginity back” kuyasibonisa ukuthi abakhuluma ngencwadi zokuzalwa lokungcwatshwa kutsha kwabantu abakaqalisi ngoba udaba lwegukurahundi lwendlula lokhu zibona njalo impumela yombhuqazwe weGukurahundi ebalisa ukuthathelwa kwabantu imisebenzi lomhlabathi bengaziswanga endaweni zabo.”

Olwela amalungelo oluntu, uMnu Effie Ncube uthi iCITE iveze indaba ebingavamanga ukuphuma emphakathini.

“Ngumsebenzi omuhle kakhulu bafake ubuchopho kabanzi ekuvezeni indaba ezisithakeleyo ikakhulu ukudlwengulwa kwabomama yinto engavamanga ukukhulunywa ngayo kudingeka ukuba kulungiswe. Akutsho ukuthi baphiwe amadeath certificate lokungcwatshwa kakutsha kodwa umonakalo banzi njalo unzima kakhulu.”

Umfanekiso wefilimu oveza ukudlwengulwa kwabesifazana ngesikhathi sombhuqazwe weGukurahundi ludaba olungavamanga ukubekwa emphakathini inengi lisithi iCite yenze umsebenzi omuhle. Ikhomishini ebona ngokukhumisana umlotha eyiyo elelungelo lokuphatha loludaba isekelwa yisisekelo sombuso ayenelisanga ukungena umbukiso walamuhla wokudlwengulwa kwabesifazana ngoba bebephakathi komhlangano lomongameli Emmerson Dambudzo Mnangagwa behlafuna ukuphathwa kodaba lombhuqazwe weGukurahundi lenkokheli zomdabu.

Udaba lweDocumentary yeGurukurahundi siluphiwa nguAnnahstacia Ndlovu
please wait

No media source currently available

0:00 0:01:54 0:00

Facebook Forum

XS
SM
MD
LG