amalinks wokungena

Breaking News

Abednico Bhebhe: UMaKhupe loKomichi Baphanjaniswa Yikuthi Sebedle Umsobho weZanu PF


UMnu Abednico Bhebhe

Obengumqoqi wenhlelo zeMDC-T uMnu Abednico Bhebhe, yena oxotshwe kulelibandla ngeviki edluleyo esetheswa icala lokusekela iMDC Alliance uthi ulokhe eyisiphathamandla salelibandla ngoba ukuxotshwa kwakhe akukho emthethweni.

UBhebhe uthi uxotshwe nguNkosazana Thokozani Khupe loMnu Morgan Komitshi ngoba besesaba ukuthi uzabanqoba kukhetho lokudinga umkhokheli weMDC-T omutsha kuExtra-ordinary congress ezakwenziwa ngoMpalakazi.

“Bathe sebebona-ke ukuthi ‘ah, undoda lo abantu sebemfuna, sebefuna yena’ sebegijima besiyahlala kuWhatsApp besithi bayangixotsha. Hayi-bo bantu, angingeke ngixotshwe ngeWhatsApp,” kutsho uBhebhe.

“Asenzeni izinto ezilengqondo sihloniphe abantu beMDC njalo sihloniphe lozulu wonke weZimbabwe ngoba osokusenziwa nguThoko loNkomichi kusitshengisa ukuthi kabasahloniphi, sebedle umsobho weZanu. Umsobho weZanu yiwo osusenza ukuthi baphambane benze izinto ezingekho emthethweni.”

UMnu Bhebhe uxotshwe ngemva kwengxabangxoza yama-nominations akoBulawayo kunsukwana ezedluleyo lapho okwathi sokuvotiwe kwatholakala ukuthi amavoti eyesemanengi ukwedlula abantu ababevotile.

Lanxa ibandla leMDC-T lisithi uMaKhupe nguye owanqobayo kulawa ma-nominations, uBhebhe uthi kwanqoba yena. Abanye bala ukwamukela limpumela.

UMnu Bhebhe utshele iStudio 7 ukuthi uxotshelwa ukuthi ulosekelo njalo besokukhanya ukuthi ubezanqoba uMaKhupe labanye abancintisayo kuCongress.

Kodwa uthi kayi ndawo ngoba ukuxotshwa kwakhe kuyize nje.

please wait

No media source currently available

0:00 0:02:27 0:00

Lanxa sehlulekile ukukhuluma loMaKhupe loKomichi, ibandla leMDC-T lihlezi lisala ukuthi lilobudlelwano lebandla leZanu PF. Iziphathamandla zeZanu PF lazo ziyakulandula ukuthi zilobudlelwano leMDC.

Facebook Forum

XS
SM
MD
LG