amalinks wokungena

Breaking News

Abebandla leMRP Basungula Umkhankaso weCancer Awareness Month


Inyanga kaMfumfu ngeyokunanza lokulimukisa uzulu ngomkhuhlane wemvukuzane eyeCancer Awareness Month
Inyanga kaMfumfu ngeyokunanza lokulimukisa uzulu ngomkhuhlane wemvukuzane eyeCancer Awareness Month

Umhlaba jikelele uqale umkhankaso wokulimukisa abantu ngokuphathwa langokwelatshwa komkhuhlane wemvukuzane, oweWorld Cancer Awareness Month, ngalinyanga kaMfumfu .

Ibandla eliphikisayo leMthwakazi Republic Party lisungule lumkhankaso ngokuphuma ijumo lisiyasiza uNkosikazi Kellita Ponella wakoBulawayo, olemvukuzane embaleni lenqulwini, odinga usizo lokwelatshwa kanye lokudla ngoba engesenelisi ukuzenzela.

Umgcinisihlalo weMRP, uMnu. Mqondisi Ndebele uchasisa ngokubafuqe ukuyasiza uNkosikazi Kelita Ponela,

Umgcinisihlalo wohlangothi lwabesifazana kuMRP, uNkosikazi Sibonile Latifa Banda, uthi kubuhlungu ukubona umama efuthelwa engatholi sizo.

UNkosikazi Kelitha Ponela olemvukuzane enyaweni lenqulwini ubonge kakhulu abe MRP ngosizo lwemali, ukudla lemithi aluthole lamhlanje okubiza inkulungwane ezimbili zamadola.

UNkosikazi Ponela uthi imvukuzane yeKaposi Sakoma Cancer, yamqala ngomnyaka ka2012, kodwa uqale ukwehluleka kakhulu ngomnyaka ka2015 kasenelisi kuzenzela lutho. Uthi sekumzimela ukuthola imali yokudla, eyokuyatshiswa esibhedlela lokuzigcina.

Okwamanje udinga usizo lwamakhulu ayisithupha amadola emelika ukuze ayekwelatshwa eHarare njalo uhlala lomntwana ofundayo usizwa ngomakhelwane.

Kusenjalo umkhokheli welinye lamacele eMDC, uNkosazana Thokozani Khuphe, owasinda kumkhuhlane wemvukuzane yebele ukhuthaza abantu ukuba badinge usizo lokuhlolwa lokwelatshwa kusase masinya ngoba yena wenelisa ukwelatshwa masinya wasila.

UMaKhuphe waqala inhlanganiso ekhankasela ukwelatshwa komkhuhlane wemvukuzane eyeThokozani Khuphe Cancer Foundation ngemva kokwelatshwa wasila. Kungalesi sizatho uMaKhuphe ekhuthaza uhulumende ukuba ayakhe izibhedlela ezelapha imvukuzane kumaWard wonke elizweni ngoba okwamanje iMpilo Central Hospital lePararenyatwa Hospital yizo zodwa zombili izibhedlela ezelapha imvukuzane.

please wait

No media source currently available

0:00 0:07:11 0:00
XS
SM
MD
LG