amalinks wokungena

Breaking News

AbeElection Resource Centre Basungula Umkhankaso Sesingaphi/Tavepi/Howfar


Abe ERC besungula umkhankaso owe Sesingaphi/Tavepi/Howfar

Abenhlanganiso ezimeleyo eye Election Resource Centre – ERC bathi bakhathazekile ngendlela uhulumende wehluleka ngayo ukulungiselela ingozi zemvelo ezifana leyezulu le Cyclone Idai zingakehleli ilizwe.

Abe ERC baveze lokhu besethula umbiko wokusungula umkhankaso abawuphe igama lokuthi Sesingaphi/Tavepi/Howfar ngenjongo yokufundisa uzulu ukubamba ngamandla uhulumende ukuthi atsho ukuba kwenzakalani ekuguqulweni kwemithetho, izithembiso azenzayo ngesikhathi edinga amavoti kanye lokuthi kungani ilizwe lingahlali lilungele ingozi zingakenzakali.

Emhlanganweni lentathelizindaba owenzelwe e Media Centre wokwethula lumkhankaso, umqondisi we ERC, umnumzana Tawanda Chimhinhi uthi okudanisayo yikuba uhulumende akufundi ukulungiselela amanyathelo azowathatha isikhathi sisesekhona lapho ingozi efana leyehlele ilizwe ngemva komonakalo obangelwe lizulu lesichotho elilethwe yi Cyclone Idai ingakabi khona.

Kumele siguqule indlela sithatha ngayo izinto.Okumqoka sikhathi sonke kuthathwa izinqumo yikwenza okubeka izizalwane zelizwe kuqala. Konke esikwenzayo njengenkokheli kumele kube ngokusiza uzulu weZimbabwe. Singenze njalo sizathola ukuba kuyabe sekuthathwa izinqumo uqobo abantu bengakelelwa yingozi hatshi ngoba isivelile. Omunye umsebenzi wobukhokheli yikuthatha izingqumo eziyizo. Kulusizi ukuba sibona inkokheli ithatha izinqumo ezingelambono oya kude okuyinto elusizi ke leyo. Kodwa simele sizinuke amakhwapha sikhangele indlela senza ngayo njengenkokheli kanye lokuba siqhuba njani kundaba zezombusazwe ukuthi izizalwane yizo eziqakathekiswa kakhulu phezu kwayo yonke into.

U Chimhini uthi kungalesi sizatho abeERC bekubone kufanele basungule lumkhankaso we Sesingaphi/Tavepi/Howfar wokuvula uzulu amehlo abe ngodinga impendulo kunkokheli sikhathi sonke.

Okugcizelelwe ngunkosazana Rudo Motsi, osebenza kuhlangothi lwezokukhulumisana lozulu kuERC.

Ukusebenza lomphakathi kuqakathekile uma uhulumende efuna ukuletha ubungcono empilweni zabantu lezithembiso zokuba abakhethiweyo baziphatha kanjani uma besebenzela uhulumende.”

Abe ERC bathi kungumthwalo womuntu wonke elizweni ukubamba ngamandla inkokheli ukuba yenze umsebenzi eyawuthembisayo lapho idinga ukuvothelwa ngokuyibuza imibuzo eqondane lokuthi kungani ingaqhubi lowo msebenzi ngendlela esuthisayo.

please wait

No media source currently available

0:00 0:02:47 0:00

Facebook Forum

XS
SM
MD
LG