amalinks wokungena

Breaking News

AbeEnvironmental Management Agency Balungiselela Umkhankaso Wokumisa Ukusentshenziswa kwamaPlastic Bags


AmaPlastic bags

Uhlangothi lukahulumende, olubona ngokulondolozwa kwemvelo lokuhlanzeka, olweEnvironmental Management Agency soluqale ukuthatha amanyathelo okumisa ukusetshenziswa kwemigodla yeplastic ukufakela imphahla lapho ithengwa emavinkilini.

Abe EMA bathi bafuna ukuthi lapho kusiyafika uMpalakazi womnyaka ka2022, abengasasetshenziswa amaplastic bags, bekhuthaza ukusetshenziswa kwamaphepha abolayo.

Lokhu kwamukelwe ngabezitolo abanengi kodwa bethi kumele abohlangothi lwe EMA baqinise imfundiso kuzulu ukuze abone ukuqhakatheka kokulondoloza imvelo lengozi ezibangelwa yilokhu.

Unkosikazi Amkela Sidange obona ngokufundiswa kukazulu oyisikhulumeli seEnvironmental Management Agency uchasisa ukuba kungani sebethatha leli nyathelo.

“Ingcekeza esuka emaphepheni ohlobo lwe plastic luya lusanda umhlaba wonke ngitsho laseZimbabwe. Singakhangela ukuthi ingcekeza yonke egaywa ekuzweni ngomnyaka phose i 18% yingcekeza yamaphepha eplastic. Okuthi wona ke ngendaba yokuthi kawaboli ayahlala okwesikhathi eside ekumvelo yethu. Njalo ngoba elula ephetshulwa ngumoya uyafica esegcwele indawana yonke kuyo imvelo yethu.”

Uqhubekela phambili unkosikazi Sidange esithi uhlangothi lwakhe lunxusa uzulu ukuthi acabangisisa ngezinye indlela ezingasetshenziswa ukuthwala impahla.

“Igqobe esiyipha ilizwe yikuthi asikeni sikhangele uhlobo lokuthwalisa impahla ama carrier bags angenziwanga ngohlobo lweplastic ukwenzela ukuthi senelise ukuthi sehlise inani legcekeza yama plastic endaweni yethu. Kunga njani ukuthi uzulu ake abhekisise udubo lwama plastic ikakhulu lawa ama carrier bags. Kuthi njalo ilizwe lenelise ukuthi lihambelane lemikhankaso yonke eyomhlaba wonke njalo sibe lendawo ehlanzekileyo.”

Umnumzana Mike Ndiweni umqondisi we Bulawayo Vendors and Traders Association (BVTA) uthi ukumiswa kokusetshenziswa iplastic bag kutsho ukuba sekulamanye amathuba kulabo abaphila ngokuthengisa.

“Silenhlelo esizenzayo ezokuthi sogqugquzele abazisebenzayo ukuthi bemukele inhlelo zokulondoloza ezemvelo. Lokhu kutsho ukuthi abantu abazisebenzayo sekulethuba lokuthi baqalise ukulungisa ezinye impahla zokusebenzisa ezinjengama basikiti.Ngeke sithi ukuvalwa kwe paper bag sekutsho ukuthi isiwile ibhizimusi yalabo abawathengisayo, hayi ngumlandu wokubona amanye amathuba.”

Umnumzana Ambrose Sibindi umgcinisihlalo wenhlanganiso yezakhamuzi eye Bulawayo Progressive Residents Association uthi kuyadingeka ukuba uzulu afundiswe indlela zokulondoloza imvelo.

“Kungumkhumbulo omuhle indaba yokuqanda ukumemetheka kwezibi. Kodwa ke eqinisweni yikuthi iEMA sekufanele ibe lama programs wokuthi i public izwisise ukuthi kungani ama plastic engafanelanga asetshenziswe.Ukwenzela ukuthi sonke sibe yingxenye yali i program, so i EMA kaqale ifundise abantu ukwenzela ukuthi ihambe labantu.”

Kungcwadi ebilotshelwe inhlanganiso emele labo abathengisa impahla, abohlangothi olwe Environmental Management Agency bachaza ukuba sebethatha amanyathelo wokuthi lapho kufika uMpalakazi womnyaka ozayo, kube sokwethulwe isiqondiso sokumiswa kokusetshenziswa kwemigodla ye plastic.

Ingcekeza yamaphepha eplastic egaywa ngomnyaka elizweni ifika phose amatshumi amabili ekhulwini (18%). Abe EMA bathi ingcekeza yeplastic kayiboli kungakho lokhu kudala ukuba ihlale ikhona okwesikhathi eside ingcolisa njalo ibulala imvelo.

Ngomnyaka ka2017 ilizwe leZimbabwe limise ukusetshenziwa kwemiganu eye kaylite ngemva kokuba ibisidala ingcekeza enengi elizweni kanye lengozi kumpilakahle kazulu, izifuyo kanye lenyamzana zendle ikakhulu inyoni.

Facebook Forum

XS
SM
MD
LG