amalinks wokungena

Breaking News

Abantu AbeHarare Baveza Imibono Ehlukeneyo Ngokuphume eConcourt


Inengi labantu eHarare lamukele ngokudana isinqumo esithethwe ngumthethwandaba waphezul welizwe oweConcourt sokuthi uMongameli Emmerson Mnangagwa nguye onqobe kukhetho lokudinga umongameli oluqutshwe mhla ka30 Ntulikazi.

Esethula lesi sinqumo umahluli omkhulu uChief Justice Malaba ubalise izinto ezimbalwa ezifana lokuphuza ukuhambisa amaphepha emthethwandaba kanye lokungalethi ubufakazi obeneleyo okwenziwe ngamagqwetha womkhokheli womanyano oweMDC Alliance uMnu. Nelson Chamisa.

Ngemva kokwethulwa kwalesi sinqumo, inengi labakhulume leStudio 7 batshengise ukudana okukhulu bebalisa ukuthi kakula okutsha okokukhangelelweyo phansi kombuso kaMnangagwa.

Omunye wabo kunguNosazana Kuboni isakhamuzi seHarare.

“Eqinisweni lonke, kakula okutsha esingakukhangelela, besisithi at least umthethwandaba uzezwa inyembezi zikazulu wezimbabwe alethe inguquko kodwa kukhanya kuyalile. Sesizabona ngo2023.”

Egcizelela kulokhu, uMnu Tjenesani Ntungwana uthe ilizwe belikhangelele okutsha kodwa ngendlela obelusahlulelwa ngayo lindaba emthethwandaba bekuvele sokusobala ukuthi isinqumo siyangaphi.

“Angeke ngithi ngiyathaba kodwa ukuhamba kwedale bekukhombisa ukuthi siyangaphi. Umthetho angiwuzwisisi okuqinileyo kodwa umumo ubutshintshela eceleni elilodwa. Bengikhangelele ukuthi sizabona inguquko kodwa kukhanya kuyalile. Bekumele sike sibone okutsha okukbombisa uzibuse ogcweleyo.”

Abanye baveze ukuba loba bengajabulanga ngesinqumo esethulwe yiConcourt sokubeka uMnangagwa embusweni, akusela ngenye indlela ngaphandle kokuba abantu babambane ukuze ilizwe liyephambili.

UMnu Tafadzwa Tseisti uthi ukubambana yikho osokuqakathekile ukuze kube lengqubelaphambili.

“Okubalulekileyo okwakhathesi yikuthi kasakheni ilizwe lethu, abantu babambane. Abatsha bafuna imisebenzi, emabhanga sifuna imali, sesizwile ngokudubeka. Abantu bebekhangelele ukuthi uChamisa anqobe kodwa kasiyeni phambili”

Abanye bancome ibandla leMDC Alliance ngenyathelo abalithetheyo lokuya emthethwandaba weConcourt ngakhoke isinqumo esethulwe ngumthethwandaba akumelanga sibabisele emuva.

Loba nje besingakhangelelanga ukunqoba ngoba omahluli siyabazi bafakwa yiZanu, khonokho nje ukuthi sibatshengisile ukuthi bebengasoze benqobe lula. Kasisoze siphumule njalo sizabe sikhona ngo2023”

Ngesikhathi isinqumo lesi sisethulwa nguMalaba amapholisa abegwcele indawana yonke esigodlweni eHarare. Esigodlweni sebandla elibusayo ele Zanu PF kuqhamuke umkhosi wenjabulo enkulu ngaphambilini kokwethulwa kwalesi sinqumo, okwenze kwaba lemicabango yokuthi abe Zanu PF bebevele sebetsheliwe ukuthi sizoba ngesinjani.

please wait

No media source currently available

0:00 0:02:08 0:00

Facebook Forum

XS
SM
MD
LG