amalinks wokungena

Breaking News

Abemaphandleni Bakhala Ngokusilela Kolwazi Oluphathelane leCoronavirus


Pastor Jester Sibanda owebandla leBrethren in Christ Church eTshalimbe

Uzulu wasemaphandleni uthi imfundiso ngenhlelo zonke zobhubhane lweCovid 19 kayifiki kibo ngokweneleyo, bekhala ngokuthi ngabe uhulumende labenhlanganiso ezizimeleyo ngabe basabalalisa lolu lwazi lufike lakibo.

Kunje udaba lwamajekiseni wokuvikela lumkhuhlane ugcwele ezindabeni kumabonakude, kumaradio, ebulenjini kodwa bona bathi uhulumende akala mibiko ayethulayo eqondane lokuthi bona abasemaphandleni bazahlatshwa njani ijekiseni eye Covid 19 Sinopharm Vaccine.

IStudio 7 ibe lethuba lokuxoxa loMfundisi Jester Sibanda owebandla leBrethren in Christ Church, elisemangweni oweTshalimbe, esigabeni seMatebeleland South echasisa ngokuthi bathinteke njani ngokuvalwa kwezinkonzo phansi kweCovid 19 Lockdown.

Ebuzwa ngejekiseni leCovid 19 Vaccine, uPastor Sibanda uthe yebo kulabanye abathandabuza ukuhlatshwa kodwa yena ukhuthaza ukuthi abantu bahlatshwe.

“Amajekiseni avele akhona ahlatshwa abantwana aweBCG, awokuvikela indingindi lamanye, angiboni umehluko lale ijekiseni. Abanye bayayengana empakathini besithi abantu bengahlatshwa kodwa babe sebesiya ngundlu besiyahlatshwa,” kutsho uNkosikazi Sibanda.

Ingxoxo loMfundisi Jester Sibanda ngodaba lweCoronavirus emaphandleni
please wait

No media source currently available

0:00 0:02:47 0:00

Facebook Forum

XS
SM
MD
LG