amalinks wokungena

Breaking News

Abemaphandleni Bakhala Ngokutshiywa Phandle Kuhlelo Lwamajekiseni eCovid-19


Wilkins Hospital - Preparation for Covid 19 Vaccination

Uzulu wemaphandleni ukhala ngokuthi utshiywa phandle kuhlelo lokuhlaba abantu amajekiseni okwenqabela umkhuhlane weCovid-19, wona abikwa esesilela elizweni.

Endaweni ezinengi ezigoqela emadolobhenai afana lakoBulawayo, iziphathamandla zithi aziselayo imijovo, ngakho zithi sezihlaba kuphela lapho asebahlatshwa ijekiseni yakuqala. Kodwa emaphandleni abantu asebahlatshwa ijekiseni yakuqala balutshwana.

Kwezinye indawo kwahlatsha abavele beleminye imikhuhlane ehlisa amasotsha omzimba alwisana lemikhuhlane etshiyeneyo kanye lasebekhulile kuphela.

Abakhala ngaloludaba bagoqela isakhamuzi sePlumtree, koMakhulela, uMnu Christian Dube.

please wait

No media source currently available

0:00 0:03:13 0:00

Asenelisanga ukukhuluma labezempilakahle ngaloludaba. Kusenjalo, ugatsha lwezempilakahle luthi akekho obulawe yilumkhuhlane izolo kodwa kulabathathu abafunyanwe belawo.

Umkhuhlane weCoronavirus usubulele abantu abedlula inkulungwane eZimbabwe, 1,586, njalo asebetholakele belawo selokhe ufike kulelilizwe sebezinkulungwane ezingamatshumi phose amane, 38,682.

Abahlatshwe ijekiseni yakuqala yokwenqabela lumkhuhlane izolo bazinkulungwane ezedlula kancane ezimbili, 2,148. Abahlatshwe eyesibili bazinkulungwane phose ezinhlanu, 4,812.

Bonke asebehlatshwe ijekiseni yakuqala sebezinkulungwane ezingamakhulu edlula ayisithupha, 632,496.

Asebehlatshwe eyesibili njalo ingeyokucina sebezinkulungwane ezingamakhulu phose amathathu, 278,537.

Ukutholakala komkhakha weCovid-19 eqhamuke kweleIndia kubangele ukuthi uhulumende avale idolobho lekwekwe ngeviki edluleyo kulandela ukubhubha komuntu oyedwa ovele kweleIndia ebulawa yilumkhakha.

Sikhuluma nje lizaqhubeka livaliwe idolobho leKwekwe okwamaviki amabili emizameni yokwenqabela ukumemetheka kwalumkhakha, wona osabalala ngamandla njalo oyingozi ukwedlula eminye imikhakha.

Isiphathamandla senhlanganiso yeCitizens Covid-19 Monitor uMnu Effie Dlela Ncube uthi uzulu kumele awuqaphele lumkhuhlane.

please wait

No media source currently available

0:00 0:01:57 0:00

Facebook Forum

XS
SM
MD
LG