amalinks wokungena

Breaking News

AbeMDC Bakhetha Inkokheli Yesigaba seBulawayo


Ukhetho lwebandla eliphikisayo ele MDC, koBulawayo obelumele luqale ekuseni NgoLwesithathu, lucine luqala ngemini yantambama ngakhoke solukhangelelwe ukuqhutshwa luze lupheleNgolwesine emadabukakusa.

Isikhulumeli seMDC, koBulawayo, umnumzana Edwin Ndlovu, ugcizelela kulokhu.

“Uhlelo lolu seluqala manje, ngabomama kulandele amayouth. Sikhangelele ukuthi uhlelo lolu luzaphela phakathi kobusuku ngoba asohlelo oluncane”

Umnumzana Discent Bajila olilunga le National Executive ebandleni leMDC uthi baqala ngokuhlola ukuthi abantu abakhona ngamalunga ebandla.

“Kuzaqala ngokuhlola abantu abakhona ukuthi ngamalunga ebandla leMDC, kulandele ukuthi kudingwe ukuthi ngobani abangamela ibandla leMDC koBulawayo kubomama, kwabatsha kanye lakuMain wing”.

Oncintisa ukuba yisikhulumeli sohlangothi lwabatsha umnumzana Ben Hlatshwayo uthi uhlupho olube khona yikuthi luphuzile ukuqala lolukhetho.

“Ngikhangelele ukuthi iyouth ingivotele ngibuyele esikhundleni sami. Amachallenges akhona yikuthi abantu babuye ekuseni uhlelo lwaphuza ukuqala. Ukuphuza kubangelwe yikuthi abanye abazoqguba uhlelo lolu bebevelela eHarare”.

Ukhetho lolu luqgutshelwa eStanley Hall, emzini weMakhokhoba njalo bekuphithizela amalunga eMDC efuna ukungena kodwa esenqabelwa ukuze kungene abantu asebesiyavota njalo kuvunyelwa labo abayabe belesiqiniseko sokuthi ngempela bangamalunga ebandla, njalo belelungelo lokuvota, kungavunyelwa wonke muntu otsho ngomlomo ukuthi ulilunga kungela okufakazayo.

Udaba lokhetho lwenkokheli yeMDC koBulawayo siluphiwa nguBathabile Masuku
please wait

No media source currently available

0:00 0:03:10 0:00

Facebook Forum

XS
SM
MD
LG