amalinks wokungena

Breaking News

AbeMDC Bakhetha Ukumelwa NguCollet Ndlovu Kukhetho lweCowdray Park


UMnu. Collet Ndlovu
UMnu. Collet Ndlovu

Izakhamizi zemzini oweCowdray Park, koBulawayo, sezilungele ukhetho lwangoMgqibelo lokudinga ukhansila wabo. Kulabantu abalitshumi lasitshiyagalombili abakhankasela ukuncintisa kulolukhetho.

Lolukhetho lwenziwa ngoba lesi sihlalo sisele singela muntu ngemva kokubhubha kowayengukhansila umnumzana Hapson Nyasha Ncube ngomnyaka odluleyo.

Indawo zokuvotela sezilungiswe yinhlanganiso ebona ngezokhetho eyeZimbabwe Electoral Commission.

Umgcinisihlalo weMDC unkosikazi Thabitha Khumalo nguye oveze ukuba inkokheli yeMDC ihlale phansi yavumelana ukuthi uAlderman Collet Ndlovu nguye ozalimela ekhethweni lwangoMgqibelo.

Collet Ndlovu
Collet Ndlovu

UNdlovu wamukele leli nyathelo ngenjabulo ethi sevele senqobile ukhetho lwakusasa ngoba izakhamizi sezimamukele.

“Sengibhodile eCowdray park ngakhuluma labahlali bakhona bakhanya bengi accepter bathi ngibuye ngizoqedisa umsebenzi owasala endleleni.Njengoba ukhetho lukusasa ovele senqobile yimi,loba i Zanu PF izama,sebethenga abantu ngemphuphu,sithe abantu bathathe impuphu kodwa nxa umuntu engakupha after 38years i 5kg uzakupha futhi after 38years.Ngawina mina ama primary elections so lwana kwakumele a withdrawer kodwa sibona engani kulabantu abayengayo kumbe sesebenza leZanu PF ngoba sesala umthetho we party,kodwa okusalayo sexotshiwe kuparty.”

Umnumzana Albert Ndebele umhlali weCowdray Park uthi njengezakhamizi bakhangelele ukuthi, lo ozabe engenile ekubeni ngu Councilor kumele agcwalise izithembiso azenze ekhankasa.

“Sicela ukuthi ozangena angasebenzisi kakhulu abantu abakuma stands,abantu laba endaweni yabo akula migwaqo,amanzi kumbe ibridge.Bonke abafuna ukungena,bangena ngokuthi bazebenzela konke abakufunayo.So bengasebenzisi abantu laba ukuthi bangene ehofisini,kabame ngamazwi abo,bagcwalise amazwi abawakhulumileyo ”

Omunye wabasakhulayo uLinda Nyathi uthi bakhangelelwe ukuncediswa ngemisebenzi lendawo zokuzilibazisa.

“Ama youth amanengi ayanatha utshwala,bayabhema imbanje so ngibona engani bengasincedisa ngemisebenzi lendawo zokuthi sibe sizilibazisa sidlala amabhora ama games nje atshiyeneyo.”

Izakhamuzi zeCowdray Park zithi noma kungaze kube ngubani ozanqoba bafisa ukuthi izikhalazo zabo zigcwalise, izithembiso abazikhulumayo khathesi bazigcwalise.

Udaba lokhetho lweCowdray Park siluphiwa nguBathabile Masuku
please wait

No media source currently available

0:00 0:04:00 0:00

XS
SM
MD
LG