Abecele leMDC-T elikhokhelwa nguNkosazana Thokozani Khuphe bahlangane lentathelizindaba ngoMvulo bethula ngohambo lwabo kusiyafika mhla wokhetho.
UMaKhuphe ubekhatshwe kulumhlangano ngumqondisi womkhankaso wakhe, uNkosikazi Priscilla Misihayirambwi Mushonga, kanye lesikhulumeli sakhe esimele ukuncintisa sidinga ukumela iPumula edale lephalemende, uMnu. Khaliphani Phugeni.
UDokotela Khuphe uthi bayangena kulolukhetho njalo bakhangelele ukunqoba yikho bakhetha abantu ukuthi bancintise.
UKhuphe uthe nxa ukhetho soluphelile ukubala kwama voti kuhle kwenzakale ngasikhatshana khona abantu bezabakwazi impumela masinyane.
"NjengeMDC-T siyangena kulolukhetho yikho safaka ama candidates".
UPhugeni, oyisikhulumeli sikaMaKhuphe, uthi kusahamba kahle konke ngaphandle kwalokhu okwenzakale emapholiseni okutshengisele ukunganaki umthetho kwabe ZEC.
"Umbono wethu okwakhathesi yikuthi lokhu okwenzakalayo okwamanje kuhamba kuhle ngaphandle kwalokhu okwenzakala emapholiseni".
