amalinks wokungena

Breaking News

AbeMDC-T- Chamisa Balungiselela Ukhetho LwamaPrimaries


UMnu. Nelson Chamisa
UMnu. Nelson Chamisa

Lokhu kuvezwe ngumgcinisihlalo wecele le MDC – T leli, umnumzana Morgan Komichi, esethula isimo sokulungiselela ukhetho lwama primaries ebandleni lakhe, emhlanganweni lentathelizindaba e Harvest House.

U Komichi uthi,bedlula amakhulu amahlanu ( 512 ) asebeveze isifiso sokuncintisa kukhetho lokumela izigaba elizweni.

Ingcwethi ecubungula ezombusazwe wenhlanganiso ye Zimbabwe Democracy Institute – ZDI, umnumzana Bekezela Gumbo, uthi okwenziwa ngabe MDC – T kuyafana xathu lokwenziwe ngabe Zanu Pf.

Lindlela esithathwa ngabeMDC-T uGumbo uthi ngokunye okuvame ukuphazamisa ibandla, kudala ukukhonona abanye bengasuthiseki ngenkokheli eyabe ikhethiwe, kubenze bavote ngendlela engasoke isebenzele ibandla.

Lanxa evumelana lodaba lokuba ukhetho lwenziwe, sokube lenguquko abahlezi bekhala ngayo, u Gumbo akusoke kwasebenzela iMDC - T.

Bengafuna ukukhalala ukungena kukhetho lapho esehlulekile ukuletha inguquko uhulumende we Zanu Pf, ulakho ukuqhubeka ngoba emanengi amabandla aphikisayo angavuma ukungena luqhubeke.

Abe MDC –T bathi bazokwanelisa ukuthola abazancintisa kizo zonke izikhundla njengoba bebanengi abaveze isifiso sokufuna ukuncintisa kukhetho oluzayo, bethole inani elikhulu labafuna ukuncintisa kilo.

Babikwa befika inkulungwane ezintathu ( 3000 ) abethule ingwalo zabo zokufisa ukuncintisa kukhetho.

Abafisa ukuncintisa kwelwabamela uzulu kumanisipala, babikwa befika phose inkulungwane ezintathu, abedlula kancane ikhulu kungabafuna ukungena ngendlela ye Propotional Representation kuthi abafika phose amakhulu amabili kungabafuna ukuncintisa kukhetho lwama senators.

Isilinganiso sokungamatshumi amabili ( 20% ) salezi zikhundla kuzokuba ngezincintiswa ngabasakhulayo, zikhona njalo ezizoncintiswa ngabesifazane kuthi ezinye kungezizoncintiswa ngabagogekileyo.

please wait

No media source currently available

0:00 0:02:44 0:00

XS
SM
MD
LG