amalinks wokungena

Breaking News

Abemitshova Bakhala Ngokuqonga Kwentengo yePhetulo


Abezimotha ezithwala uzulu koBulawayo bacine beqhubekela phambili besebenza ngoLwesithathu, lobanje bebethe bazakhalala umsebenzi betshengisela ubunzima ababhekane labo ngenxa yokonakala komumo wezenotho kubangelwa yikukhuphuka kwentengo yemphala etshiyeneyo eqalele kweyamafutha ezimota.

Intengo yamafutha ezimota ikhuphukile njalo, kwaqansa lentengo yokudla, osekutshiye uzulu weZimbabwe edidekile, engazi ukuba ikusasa ibaphatheleni njalo. Inengi likhala ngokuthi ngabe uHulumende uyangenela ngoba sebe phila nzima.

Umnumzana Atlas Moyo isiphathamandla senhlanganiso yemotha ezithwala abantu eyeTshova Mubaiwa uthi kubuhlungu okwenziwa nguhulumende ukukhuphula intengo yamafutha ezimota.

“Thina lokhu okukhona okwenziwa nguhulumende,akulanto esingayenza but okubuhlungu kithi yikuba abesesiya thatha amabhasi asuka eHarare ezotshova la, kulokuthi asebenze eHarare.Thina lathi silawo amabhasi ethu,o Green Horse labo bangasisebenzela labo khonapho. Kulama kombi futhi lapha, awala budlwangudlwangu, a disciplined”

Umnumzana Effort Ncube ongumcebisi wenhlanganiso emele amalungelo abathengi eyeNational Consumer Rights Association uthi ukukhuphuka kwentengo yamafutha ezimota kuzakwenza ukuba intengo yemphahla lokudla iqonge kucine sokusilela elizweni.

“Thina njenge nhlanganiso sikhathazekile kakhulu ngosizi oluzalethwa yikukhwela kwentengo yamafutha ezimota.Ngemva kwalokhu kuyalandela ukukhwela kwentengo yakho konke,kulethe usizi phakathi kwabantu.Yonke into izaqansa,kuzaba nzima kakhulu lokudla kuswelakale kanjalo kanjalo.Uhulumende kangenele alungisise lokhu.”

Umnuzana Mpilo Ncube ongumtshayeli wama khombi koBulawayo uthi abasakwazi ukuthi baphile njani ngoba inengi liphila ngokutshayela amakhombi ngokuswelakala kwemisebenzi.

“Thina singabantu bamakhombi okwamanje khathesi akula deasel ekhona nanka lamabhasi sehlisiwe sekuthiwa 50c so angazi ukuthi thina abamakhombi kumele senzeni thina besicharger 1.50 and right now sikhwelile from $3.25 to $4.94 per litre so angazi ukuthi thina igorvnment isikhangelela njani ukuthi thina sizaphila njani ma ikhweza kangaka phezu kwakhonokho isifaka ibus ye 50c.Right now in Bulawayo khathesi 3 quarters weare khombi operaters igovernment siyacela isenzele something ngoba lathi we are family people kumele lathi siphile.”

Umnunzana Mlungisi Thebe ongumtshayeli uthi leyi yindlela yokuthi amakhombi akhitshwe emgwaqweni ngendlela okukhwele ngayo izinto akukhwele ifuel kodwa ayibe khona ifuel emagarajini ukuzekube lula ukusebenza bengacithi isikhathi esinengi besemaliyinini efuel.

“Iproblem ekhona abantu laba bafuna ukukhipha amakhombi ngendlela bona abayenza ngakhona ngezake ukhweze ifuel kodwa amaprize amabhasi aphinde ayehle futhi akwenzi ngoba khathesi umtshova singawehlisa thina akulanto esiyitholayo ,yikusikhawulisa lokhu ngoba khathesi ungakhangela amagarage wonke imota zilayinile .amabhasi angaze asale wodwa awsoze akwanise abantu vele iprize yebhasi leye khombi akusoze kufanane . ”

Umnunzana Philani Sithole ongumhlali wakoBulawayo uthi uHulumende kumele avume ukuthi useyehlulekile.

“Into ziyabheda le government sisifeyilile into zonke ,mina njengami icivil servant akulanto esingikhone ukuyi thenga imazoe 50 bond ikhombi 2dollars so ngisebenzelani manje igovernment leyi isisifeyilile ayitshiye phansi” Abantu bakweleZimbambwe balokudana kakhulu ngalokhu osokusenzakala, ukuba intengo yakho konke ikhuphuka malanga onke. Laloba uhulumende engasoze avume ukuthi nguye obangela ukukhuphulwa kwentengo yemphahla lokudla kusobala kumuntu wonke ukuthi angavele akweze intengo yamafutha ezimota intengo yezinye imphahla lokudla ihle iqanse ngokufanayo. Inengi likhalaza kuhulumende ukuba angenele ngoba isimo singasihle.

please wait

No media source currently available

0:00 0:05:14 0:00

Facebook Forum

XS
SM
MD
LG