amalinks wokungena

Breaking News

AbeMRP Balobela uMongameli Ramaphosa weSouth Africa Incwadi Yesicelo


Mthwakazi Republic Party

Abebandla eliphikisayo eleMthwakazi Republic Party, sebelobele uMongameli Cyril Ramaphosa weleSouth Africa, ongumgcinisihlalo njalo wenhlanganiso yomanyano wamazwe awezwekazi labensundu, oweAfrica Union, becele ukuba bahlangane lequla azalithumela eZimbabwe kusikhatshana ezilandelayo bethi balakho abafuna kwaziwe yileli qula elizozama ukulungisa inkinga ezibhekane laleli lizwe.

Abebandla leli bathi bathethe ithuba lokulobela umongameli weleSouth Africa befuna ukuhlangana lequla azalithumela ukuze lazi isimo esibhekane labantu basemhlubulweni weMaNdebeleni lokuthi lingaphindeli lingabonananga labo njengalokho okwenziwe yilelo alithume ekuqaliseni kwenyanga edluleyo kaNcwabakazi, eliphendele ekhaya libonene loMongameli Emmerson Mnangagwa kuphela.

UMongameli weMthwakazi Republic Party uMnu. Mqondisi Moyo uchasisa ukuthi kungani labo befuna ukuhlangana lequla lebandla eleANC.

“Silobele uCyril Ramaphosa ukuze lathi siveze ukuthi indaba yeZimbabwe ayisoze ilunge uma bekhangelela phansi uhlupho lweMthwakazi oluyilo olubangela udubo olukhona ezweni. Thina silohlupho eMaNdebeleni ngoba sifuna uMthwakazi ahlukane leZimbabwe kubuyelwe lapho elalikhona ngo1823 ukuze udubo luphele ngoba bahlanganiswa lamakhiwa kungela kuvumelana kwamaShona lamaNdebele. Abantu beMaNdebele kunkulumo ezinengi abantu beSiNdebeleni akulabantu abamela indaba yeSiNdebeleni kunye lombhuqazwe okuyilo uhlupho olumqoka uma sikhangela iZimbabwe.”

Olwela amalungelo oluntu umabhalane weIbhetshu likaZulu, uMnu Mbuso Fuzwayo uthi iMRP ithethe inyathela ilihle ngokulobela umongameli weSouth Africa.

“Kuyinto enhle abayenzileyo ngoba inhlanganiso ezivela kulo umhlubulo iqula leli lingabuya liphelele esigodlweni bona bengatshongo inhlupho zabo. Ungakhangela kucina kuhamba phambili inhlupho zesigodlweni ngapha kungelabantu ababmeleyo. Ungananzelela omunye wabathunjiweyo uze wakhutshwa ngumthethwandaba elokhe engaziwa lapho akhona ngakhoke kuhle abakwenzileyo labo bazathi batsho inhlupho ezibhekane lomhlubulo wangapha welizwe.”

E-Zimbabwe umbuso kaMongameli Emmerson Mnangagwa usuthe wasolwa kabanzi ngumhlaba jikelele ngoba kulabantu abahlukuluzwa ngendlela ezehlukeneyo kusephulwa ilungelo loluntu okudale ukuba eleSA lingenele kwaba lequla lakuqala elize eZimbabwe labuyela lingahlangananga lenhlangano ezilwela ilungelo loluntu kanye lamabandla aphikisayo.

Ensukwini ezimbalwa ezilandelayo kulelinye njalo iqula elikhangelelwe ukuza eZimbabwe lizohlangana lohulumende lenhlanganiso ezehlukeneyo lapho ibandla leMRP eselicele ukuba lalo lifuna ukuhlangana lalo, ukuze batsho okuhlupha uMthwakazi ngoba imvama yikuba lokhe kwaba lamaqula aza eZimbabwe abatholi obamelayo.

Kodwa ke uMongameli Mnangagwa labebandla lakhe eleZanu PF, bahlala besima ngelokuthi akula kwephulwa kwelungelo loluntu eZimbabwe njalo akula okuhluphayo. UMnangagwa uthi njalo inkinga enkulu esibhidlize umnotho weZimbabwe yizijeziso zenotho ezafakelwa ilizwe ngamazwe angentshonalanga agoqela eleMelika, Bhilithani lamanye.

Udaba lwabeMRP abalobele uRamaphosa isicelo siluphiwa nguAnnahstacia Ndlovu
please wait

No media source currently available

0:00 0:04:17 0:00

Facebook Forum

XS
SM
MD
LG