amalinks wokungena

Breaking News

Abenhlanganiso Ezizimeleyo Bathi Baqoqe Imicimbi Ehlukeneyo Yomkhankaso we16 Days Of Activism Against Gender Based Violence


Amalunga edale lephalamende besungula umkhankaso owe 16 Days of Activism Against Gender Based Violence

Umkankaso wokukhuthaza ukungahlukumezani emulini owe16 Days of Activism against Gender Based Violence uyaqala namhlanje usiyagqitshwa mhlaka 10 Mpalakazi. Abenhlanganiso ezilwela amalungelo abesifazana koBulawayo, baqoqe imicimbi ehlukeneyo yokulimukisa lokufundisana lozulu ngokuqakatheka kokungatshotshozeli umumo wokuhlukumezana emulini ikakhulu ngokuphathelane lamalungelo abomama lamantombazana ngoba beyibo abalenani eliphezulu elehlelwa yilolu dubo.

Inhlanganiso eziqoqa imicimbi yalumkhankaso lonyaka zigoqela, eye Intwasa Arts Festival, Womens Institute for Leadership Development (WILD), Emthonjeni Womens Forum, amalunga edale lePhalamende, abamabandla ezombusazwe labanye.

Unkosikazi Sithembiso Nyoni umpathintambo wendaba zabesifazane lamabhizimusi amancane uchasisa kabanzi ngenhlelo abalazo lonyaka njengohulumende ekunanzeni umkhankaso lo.

“Sikhangele khathesi lokuthiwa yi 16 Days of Activism against Gender Based Violence. Kusasa sizabe sise parliament sikhuluma nge GBV silama MPs sile high level dialogue. Sizaphinda sihlangane mhlaka 1 December labakhokheli bamabandla, okwesithathu sizaba lomhlangano omkhulu eBindura lapho esizavula khona i One Stop Centre yama survivors. Okwesine sizaba le official commissioning e Epworth Safe Market mhlaka 10 December. Siyaqonqosela ukuthi asigcinaneni sithandaneni asiyekelenini ukulwa ngoba omama kuyabalimaza emzimbeni, emoyeni ngakho kasigcinaneni.”

Unkosikazi Melissa Nomakhosi Ndlovu isikhulumeli senhlanganiso eye Emthonjeni Women’s Forum uphatha udaba lwembangela yodlame emakhaya.

“Okwenza omama kube yibo abahlangana lodlame kumbe ubudlwangudlwangu emphakathini sikhangela kakhulu indaba zamandla. Amandla okwenza izinqumo, amandla okuthi bazimele bona lamandla okuthi bayanelise ukunakekela izimuli sikhangele ezomkhonomi. Yikho okubenza bahlangane lobudlwangudlwangu ngoba isikhathini esinengi bayebe bengelawo lawo mandla okuthi batsho bona abakufunayo lothi bethathe izinqumo. Nxa kuyikuthi umama sengani sethatha izinqumo kakhulu kumbe sebuza ngezinto ezenzakalayo ngekhaya uvame ukuthi ahlangane lobudlwangudlwangu.”

Unkosikazi Nozipho Moyo olwelwa amalungelo oluntu yena uthi lonyaka lumkhankaso unanzwa phansi kwesimo esinzima ngenxa yokuqhamuka kobhubhane lwe COVID-19.

“Amalanga aseqalile ukuthi sikhangele ukuthi singalwa njani ngokuhlukumezwa komuntu ngobulili bakhe okumele sikunanzelele yikuthi asitsho ukuthi lapha sikhipha abantu besilisa ngoba labo bakhona ukuhlukumezwa. Okunye okumele sikunanzelele yikuthi kumalanga lawa sibonisana ukuthi sivikele njani lalabo esiphilisana labo abangahlukunyezwa yibucansi babo esitsho LGBT Community. Amalanga lawa aqakathekile ngo 2020 sikhangela ukuthi iCorona Virus yenze abantu batshona ezindlini ngakho iyenze ama cases akwela.”

Ingcwethi kwezempilakahle, uDokotela Rodgers Shoshore Magigo uthi abesilisa labo bayahlangana lokuhlukunyezwa ezindlini.

“Engingakutsho yikuthi amadoda lawo ayahlukunyezwa ezindlini kodwa zande ukuthi sikhulume kakhulu ngabomama ukngakhangela kakhulu ama statistics omama labantwana yibo abahlukuluzwa kakhulu. Uyathola lapha lalaphana ekhona amadoda athwele nzima ezindlini mhlawumbe laye uyabe ethethe umama omkhulelayo amandla kumbe ethethe okhuluma kakhulu leyi esithi yi verbal violence. I domestic violence igoqela i emotional, psychological le verbal violence. Abantu abangamadoda labo bayahlukunyezwa less physical kodwa ikakhulu verbal and emotional.”

Abogatsha lwezamabhizimusi amancane lenhlelo zabesifazane bathi sebethole imibiko yabesifazane abanengi bekhonona ngokudlwengulwa emakhaya lasemisebenzini. Iziphathamandla zesilisa zibikwa zibethusela ukungathuthukisi abesifazana ukubanika izikhundla zaphezulu, kumbe ukubancitsha umsebenzi ngoba beyale ukuya emancansini lazo.

Abenhlanganiso eyeEmthonjeni Women’s Forum bathi bazabe bekhankasa eziqintini ezinengi zezabelweni zeMatebeleland North leSouth ezigoqela oTsholotsho, Insiza, koBulawayo lezinye. Bathi kuqakathekile ukuthi abantu bengadibana lodubo lokuhlukunyezwa benaze bathula ngoba zikhona indawo lapho abangaya khona bayethola uncedo lamacebo ezigoqela i One Stop Centre esesibhedlela seMpilo koBulawayo. Bathi njalo bazaba lemicimbi ehlukeneyo egoqela imfundiso ngemidlalo yokulizilibazisa enjengeyokulingisa eyamadrama, ingxoxiswano emisakazweni enkundleni zokuxhumana ezebulenjini lokunye.

Umkankaso walonyaka owe16 Days of Activism against Gender Based Violence, wenziwa phansi kwendikimba ethi “Orange the World, Fund, Respect, Prevent, Collect” yona ekhuthaza abantu ukuba babuthanise uncedo lwemali lokuphathisa abahlukunyeziweyo, lokuthi amalungelo abantu ahlonitshwe kuvikelwe udlame emphakathini.

please wait

No media source currently available

0:00 0:04:40 0:00

Facebook Forum

XS
SM
MD
LG