amalinks wokungena

Breaking News

AbeSouth Africa Lomhlaba Jikelele Balungiselela Ukunanza Imisebenzi kaMandela


Balungiselela umhlangano ozakwenziwa kwele South Africa wokunanza umuyi uNelson Mandela ...

Asekuzinga eliphezulu amalungiselelo enkulumo yokunanza imisebenzi emihle kamuyi uNelson Mandela ezakwethulwa ngowayengumongameli wakwele Melika, uMnu. Barack Obama, ngoLwesithathu kwele South Africa.

Abantu abavela endaweni ezitshiyeneyo emhlabeni jikelele bazabe bethe gwaqa enkundleni yeWanderers eJohannesburg, bezokuzwa imfundiso kaOBama ngoMandela.

Njengobake isihloko salonyaka sisithi Ukuvuselela imisebenzi emihle kaMandela lokuba lusizo emhlabeni oguqukayo, kukhangelelwe ukuthi inkulumo kaMnu. Obama ifithizele indaba zokutholiswa kwabantu izindlu, ukuzinikela ukusebenzela umphakathi, ezemfundo lokuqedwa kwendlala.

Lesi sifundo sethulwa minyaka yonke kunanzwa iNelson Mandela International Day mhlala 18 Ntulikazi, okulilanga uMandela azalwa ngalo.

Umqondisi obona ngezokwethulwa kwemibiko enhlanganisweni yeNelson Mandela Foundation umnumnzana Luzuko Koti, utshele iStudio 7 ukuthi kukhangelelwe abantu abafika izinkulungwane ezilitshumi lanhlanu (15,000). Kuleli nani kubalwa abake baba ngomongameli bamazwe etshiyeneyo kuzwekazi le Africa laphetsheya.

Indawo lapho okuzakwenzelwa khona umhlangano weNelson Mandela Lecture kwele South Africa.
Indawo lapho okuzakwenzelwa khona umhlangano weNelson Mandela Lecture kwele South Africa.

"Sibancedisile abantu abanomdla wokuza apha ukuba bangaxakeki kakhulu kulungiselelwa into yokuba nxa befika apha babenawona amava, babe ne experience, nawona amava amnandi nenkumbulo abalokuzithatha bazidlulisele kwabanye abantu. Intetho kaBarack OBama yiyo esifuna ukuba abantu bemuke bequkathe yona apa ingumphako abalokuwunika abanye abantu".

Inhlanganiso ye Nelson Mandela Foundation eqhuba lo umbuthano isebenza ndawonye leye Motsepe Foundation leye Obama Foundation ithi inhloso yikukhuthaza abantu emhlabeni jikelele ukuthi kube labakwenzayo ukuguqula impilo zabanye njengalokhu okwenziwa nguMandela.

Umnumnzana Koti uthi uthi inhlupho ezibhekane labantu emhlabeni jikelele ngalezinsuku, yizo ezenze bavumelana ukuthi umnumnzana OBama nguye umuntu oqondileyo ukwethula isifundo salonyaka.

“Sifuneke sikhangele umuntu ongathatha izinto zonke esijongene lazo kuhlabathi aziquke zonke asiboniseke ukuthi zithini ingxaki ngobunkokheli futhi zi solvwa njani lezo ngxaki kuhlabathi. Zithini ingxaki ngedemocracy zethu ezithatshathiweyo zahitshwa zinkokheli ezikhokhelayo ingakumbi kumazwe ahlwembuzekileyo nangakaphuhli ngokwaneleyo. Layeke ungomunye walabo bantu.”

Isifundo salonyaka sensiwa ngesikhathi lapho okaMandela ubezabe eseleminyaka elikhulu ezelwe. Senziwa njalo sekusele ilanga elilodwa ukuthi kube yi Nelson Mandela International Day okulilanga lapho abantu abenza khona okutshiyeneyo ukusiza abanye.

Ilanga leNelson Mandela International Day lethulwe yinhlanganiso ye United Nations ngo 2009. Injongo yalo ngeyokuhlonipha imisebenzi emihle kamuyi uMandela owabhubha mhlaka 5 Mpalakazi 2013 ngemva kokuchitha iminyaka edlula amatshumi ayisithupha (67 years) yempilo yakhe elwela ukuqeda ukucwasana ngebala loncindezelo.

please wait

No media source currently available

0:00 0:02:55 0:00

Facebook Forum

XS
SM
MD
LG