amalinks wokungena

Breaking News

Abesifazana Bafola Besola Udlakela Lokuhlukuluzana Kwabatshadile


Gender Violence
Abekolitshi le-Women’s University of Africa bemanyene lenhlanganiso ye Women Film Makers of Zimbabwe kanye lezinye inhlanganiso ezilwela ilungelo labesifazana baqoqe ukutshengisela ngoMvulo kokusola udlakela lokuhlukuluzana ezindlini kwabathetheneyo loba emhulini, iGender Based domestic Violence eHarare.

Lokhu kufola kwenziwe ngemva kokubulawa komunye owesifazana obe efunda ekolitshini leli uNkosikazi Isabel Masuka ngumkakhe ngenyang’edluleyo kaMabasa omgongode waze wafa qede lapho wasezibulala.

Umqondisi wenhlanganiso yomanyano wenhlanganiso ezilwela ilungelo labesifazana owe Women’s Coalition of Zimbabwe uNkosikazi Virginia Muwanigwa ophatheke ekutshengiseleni lkwangoMvulo uthi uyasuthiseka ngosekelo abaluthola kuhulumende ikakhulu umpathintambo obona ngezokulinganiswa kwamathuba phakathi kwabesilisa labesifazana uNkosazana Oppa Muchinguri.

Ukutshengisela lokhu kwenziwe phansi kwesihloko esithi: “No to Gender Based Violence”. UPraxedes Jeremiah weStudio Seven uxoxe loMuwanigwa othi lolu dubo lokuhlukuluzwa kwabesifazana abendileyo lokhe luqela eZimbabwe laloba sokubhalwa lokuphunyiswa emisakazweni izehlakalo Kanye lezindaba eziphathelane lalo.
please wait

No media source currently available

0:00 0:02:07 0:00
Lapho esitholakala khona
XS
SM
MD
LG