amalinks wokungena

Breaking News

Abesifazane beGwanda Bakhala Ngemigoqo Ebanqabela Ukuthola Izikwelede Emabhanga


Ibhanga.

Abesifazana bedolobheni leGwanda sebecele ibhanga lesizwe eleReserve Bank of Zimbabwe ukuthi likhiphe imigoqo edala ukuthi omama abasacathulayo kwezamabhizimusi bathole ukweboleka imali emabhanga.

Omama laba bakhala ngokuthi imigoqo le idala ukuthi amabhizimusi abo engathuthuki.

Umsekeli kasibalukhulu webhanga lesizwe uDr Jesimeni Chipika uthi ibhanga lesizwe lilemali engangezigidi phose ezingamakhulu amane zamadollar- $381,5 yokubolekisa uzulu ofuna ukusungula amabhizimusi.

Izigidi ezilitshumi lanhlanu yaleyili mali kumele iphiwe abesifazana abafuna ukusungula loba ukuthuthukisa amabhizimusi abo kodwa inengi labomama kulumhlubulo lithi amabhanga amanengi afuna izinto ezinengi andubana bakhwelediswe okudala ukuthi bacine besehluleka ukuzithola.

Bekhuluma edolobheni leGwanda lamhlanje ekusungulweni kwezifundo zamabhizimusi eziqoqwe luhlangothi lwebhanga lesizwe olweHomelink omama bacele uDr Chipika ukuthi ayenze kubelula ukuthi omama bathole imali yokweboleka.

UNkosazana Sithembiso Nyathi omunye wabomama osanda kusungula ibhizimusi uthi kunzima ukufinyelele lezizimali.

Omunye ovumelane laye nguNkosazana Lungile Masuku othi ngempela akulula kwabesifazana ukufinyelela ukwebolekwa lezimali.

UDr Chipika uthi bazaxoxisana labamabhanga ukuze kubelula ukuthola lezizimali ukhuthaze omama beZansi yemaNdebeleni ukuthi basukumele phezulu

UNkosazana Duduzile Masilela omunye ophatheke kulezizimfundo zamabhizimusi uthi ulethemba lokuthi loluhlelo alusoze lwaba yize njengezinye inhlelo zikahulumende.

Ngaphandle kwemali zabomama kulemali ezizabolekwa abakumsebenzi wokwemba igolide, abaphila lobugoga, abatsha, abathenga impahla bethengisa, abalimayo kanye labafundi abengenelisi ukubhadalela indleko yokufunda emakolitshini.

Labo abafuna ukuboleka lezi zimali bakhuthazwa ukuba bahambe emahofisini aweHomelink aseduzane labo.

Omama abafika ikhulu baqale izifundo zamabhizimusi zeviki yonke eziqhutshwa ngabaqeqetshi bekolitshini eleHarare Institute of Technology njalo lezizifundo zizaqhubekela phambili kusiyafika uMgqibelo kuthi labo abaphumeleleyo baphiwe izicoco.

please wait

No media source currently available

0:00 0:03:33 0:00

Facebook Forum

XS
SM
MD
LG