amalinks wokungena

Breaking News

Abesilisa eZimbabwe Bakhuthazwa Ukuba Lomkhuba Wokuhlolwa iProstate Cancer


Cancer Association of Zimbabwe
Cancer Association of Zimbabwe

Abenhlanganiso yababona ngomkhuhlane owe mvukuzane eye Cancer Association of Zimbabwe, bakhuthaza abesilisa ukuba lomkhuba wokuhlolwa i-Prostate Cancer, minyaka yonke ngoba lokhu kunceda ekuthini ingabonakala masinyane ingelapheka ingakabi yingozi.

Abenhlanganiso le bathi bakhathezekile ngokwanda kwenani labesilisa ababanjwa iprostate cancer isikusibanga esiba nzima ukuthi yelapheke ngoba inengi labo lingathandi ukuya kubodokothela nxa bengezwanga inhlungu zomzimba.

Ngakhoke umnumzana Lovemore Makurirofa obona ngokwethulwa kwembiko lokufundisana kulinhlanganiso uthi sebenanzelele ukuthi obaba kabasukumeli phezulu ukuyahlolwa njengabomama.

“Udubo esilalo njengesizwe yikuthi asila screening service yamahala kungela mbadalo eZimbabwe kuhlobo lwe cancer lwe prostate njengalokho esikuthola ku cancer yesibeletho eye cervical cancer kwabesifazana enziwa mahala.”

Uthi kuqakathekile ukuba lolusizo lufinyelelwe ngendlela elula ikakhulu emaphandleni njengokwenzakalayo kuCervical Cancer kwabesifazane ehlolwa kungela mbadalo ngoba kungelula ukunanzelela izibonakaliso zalumkhuhlane.

“Lokhu kungagoqela ukuzwa uhlala ufuna ukucitha amanzi zikhathi zonke okungaba buhlungu kwabanye, ukuzwa ubuhlungu ku groin, kumbe ukucitha amanzi angabe ehlangene le gazi.”

Umnumzana Zipho –nge-Zipho Ndebele wenhlanganiso yabesilisa eye Padare Enkundleni Men's Forum on Gender uthi kunje balomkhankaso wokukhuthaza obaba ukuthi besoke njengendlela yokulwisana lezifo ezigoqela imvukuzane.

“Kuyayehlisa amathuba okuthi obaba bethole umkhuhlane wemvunguzane kanti lakubomama kubanvedisa ukuba bengatholi imvunguzane yesibeletho nxa ubaba esokile kusuke kwehle.”

Umnumzana Pride Shonhiwa wenhlanganiso ye Platform of Lifeskills Transformation Education [Polite} uthi kudinga ukusebenzelana lokusabalaliswa kolwazi ngalesi sifo okugoqela ezikolo, inhlanganiso ezizimeleyo, uhulumende, abazali lomdeni wonke nje ukuze kufundise abantwana besakhula ukuba kuqakatghekile ukuya kodokotela lanxa umuntu engela hlungu zomzimba esiyahlolwa nje.

“Okuqakathekileyo yikuthi ulwazi lusabalale andubana abantu bengazihlupha ngokuyafuna ukuhlolwa ikakhulu abantu abesilisa labasakhulayo abazihluphi bekhetha ukugijimisana lempilo.”

Abe Cancer Association of Zimbabwe bathi inkinga ezibhekana labo okwamanje yikusilela kwendawo zokuhlolwa lokwelaphela I mvukuzane ngoba zitholakala emadolobheni amakhulu anjenge eHarare lako Bulawayo kuphela. Bekhala njalo ngodubo lokungatholakali lula kwemithi yokwelapha imvukuzane lokuthengeka kwayo ngoba eminengi ilentengo ephezulu kakhulu engeneliswa ngabanengi okutshiya abaswelayo bengela lapho abangaphephela khona.

Uhulumende uthi ulohlelo lokuthuthukisa ezempilakahle lugoqela izibhedlela lamakilinika elizweni lonke kusiyabamba lasemaphandleni ngesifiso sokuthi ezempilakahle zifike ebantwini. Ingcitshi zezempilakahle zithi isilinganiso sokugamatshumi phose ayisithupha ekhulwini-57%, sabantu bemazweni asathuthukayo alobuyanga okungumumo obangwa ngamandla yikusilela kolwazi, ngemvukuzane, ukusilela kwabodokotela lemitshina yangalezi nsuku yokuhlola lumkhuhlane.

please wait

No media source currently available

0:00 0:04:00 0:00
XS
SM
MD
LG