amalinks wokungena

Breaking News

AbeSouth Africa Bamanyane LabeZimbabwe Ekutshengiseleni Besithi Azesulwe Izijeziso Zenotho Zamazwe Angentshonalanga


AbeSouth Africa Betshengisela Besekela abeZimbabwe emkhankasweni wokuthi amazwe angentshonalanga kesule izijeziso zenotho

Kwele South Africa amalunga ebandla elibusayo ele ANC ndawonye lezizalwane zeZimbabwe ikakhulu abasekeli bebandla leZanu PF, batshengisela esigodlweni sommeli eMelika lemahofisini eEuropean Union ePretoria labo bekhuthaza ukuthi kwesulwe izijeziso zomnotho ezetheswe iZimbabwe.

Abakade betshengisela laba abedlula kancane ikhulu bafike esigodlweni sommeli weMelika leseEuropean Union, bengasadlanga nkotshana besithi abasafuni kuzwa ngezijeziso ezetheswa iZimbabwe.

Isikhulumeli sebandla leANC umnumnzana Dakota Legoete, uthi lezi zijeziso ziyikugxamukela kulungelo leZimbabwe lokuzibusa.

“They must not decide ukuthi badisayidele abantu baseZimbabwe. That’s why siyacela ku America, siyacela ku Europa ukuthi please ama sanction aphele.”

Unkosazana Martha Shumba owenhlanganiso yeCoalition Against Sanctions in Zimbabwe wethesa izijeziso lezi umlandu wokubangela inhlupho eZimbabwe.

“To the USA, to the EU and to Britain, ngithi amasanctions mawahambe. Thina njengama individuals, we are the ones that are affected.”

Le yinto egcizelelwa ngesinye isizalwane seZimbabwe umnumnzana Johannes Ncube.

“Amasanctions ayasibulala kakhulu ngoba manje sicina sibalekela kwamanye amacountry sifike futhi sesingathi siyawahlupha kanti lathi sekunzima ngale.”

Kodwake ingcitshi kwezombusazwe umnumnzana Zenzo Moyo uthi akusiqiniso ukuthi izijeziso zomnotho yizo ezibangela inhlupho zeZimbabwe.

“Umkhonomi weZimbabwe kahle kahle wona awumiswanga ngamasanctions. Umiswe ngumumo welizwe, umumo wezepolitiki labantu ababusayo. Up until kuze kufike lesiyana isikhathi sokuthi ya, izinto sezi stable eZimbabwe yikho lapho abantu abazabuya bazo investor khona.

Kusenjalo iziphathamandla zehofisi yeMelika leEuropean Union zemukele ugwalo lwezikhalazo zabebetshengisela laba kodwa abazange bathanda ukuphawula. Kodwa abebetshengisela bona bathi abasoke bathule zize zesulwe izijeziso.

please wait

No media source currently available

0:00 0:04:32 0:00

Facebook Forum

XS
SM
MD
LG