amalinks wokungena

Breaking News

AbeWorld Vision Basungula Uhlelo Lokusiza Abafundi Ezikolweni zeMatebeleland South


Uhlelo lwabeWorld Vision lokuphathisa ezikolweni zeMatebeleland South

Inhlanganiso ezimeleyo eyeWorld Vision isebenzelana leyePro Futuro isisungule uhlelo lokusiza izikolo zemaphandleni eZansi yemaNdebeleni ngemitshina yakulezinsuku amaTablet azasetshenziswa ngabafundi esikolo ukuze kuthuthukiswe ezemfundo kulesisabelo.

Ingcwethi zezemfundo zithi ukusilela kwengwalo zokubala ezikolo ngezinye zezizatho ezidala ukuba abafundi bemaphandleni kulesisabelo bengaphumeleli ezifundweni.

Ngalokhu abeWorld Vision bexhasane lePro Futuro sebesungule uhlelo oluzadala ukuthi ababalisi kanye labafundi bemaphandleni basebenzise imitshina yangalezi nsuku yamacomputer amancane abizwa ngoktuhi ngamaTablet besesikolo.

Umqoqi wenhlelo kuWorld Vision, uMnu. Robson Moyo uthi injongo yaloluhlelo yikuthi abafundi bemaphandleni labo bathole imfundo elohlonzi.

“Ijonge ukuthi izeguqula lokhu okwenzakala ezikolo kulokhu ebesikujwayele eminyakeni eminengi eyedlulileyo to okwenzakala kathesi ku21st Century.Injongo yethu njengeWorld Vision yikuthi abantwabethu bafunde bathole iquality education , sifuna abantwabethu babe educated for life yikho nje njengoba besisebenza labantu bemakhaya esithi ngesilungu ngamavulnerable sibone kukuhle ukuthi umngane wethu uPro Futuro azesixhasa.”

UNkosikazi Pamela Daccache owePro Futuro ugcizelela ethi lokhu kupha abafundi bemaphandleni amathuba alinganayo latholwa ngabasemadolobheni.

“Kulezinsuku nxa ungenelisi ukusebenzisa amacomputer ufana lomuntu ongazi lutho, kungakho injongo yethu yikuthi sifinyelele kubo bonke abantwana basemakhaya kusiyafika umnyaka ozayo. Njengehlanganiso sifuna ukupha amathuba afanayo ebantwaneni emhlabeni jikelele kungakho kweleZimbabwe sitholakala emaphandleni hatshi emadolobheni lapho limtshina le esivele ikhona.”

Uhlelo lwePro Futuro luqale nyakenye eLupane ezikolweni ezingamatshumi amabili. uMnu Bulisaninkosi Khumalo oweWorld Vision eLupane uthi abafundi sebesenza ngcono ezifundweni zabo ngemva kokusungulwa kwaloluhlelo.

“Uhlelo lolu luhambe kahle kakhulu sibone utshintsho olunengi ezikolo abantwana befakaza lamatitsha efakaza ukuthi abantwana abasalovi ezikolo imfundo sithuthukile amaresources setholakala ngcono.Siqale sile 20 izikolo kuthe ngalumnyaka sibone ukukhula komsebenzi wakhona sesiyengezelele izikolo from 20 to 80 eLupane.

Ababalisi labaphathi bezikolo ezingamatshumi amane lambili ezikhangelelwe ukusungula loluhlelo bangene umhlangano ekuqaleni kweviki befundiswa ngokusebenza kwemitshina le.

Abezikolo okumele bakwenze bencedisana lezakhamizi yikuzifakela amandla awelanga awesolar ezikolo phambilini kokuthi baphiwe leyomitshina.

please wait

No media source currently available

0:00 0:03:55 0:00

Facebook Forum

XS
SM
MD
LG