amalinks wokungena

Breaking News

AbeZEC Baqala Uhlelo Lokubhalisa Abantu Ukuze Kwenziwe iDelimitation


ZEC

Ikhomishini ebona ngezokhetho eye Zimbabwe Electoral Commissiion -ZEC, isiqale ukubhalisela ukuvota emizameni yokuqala amalungiselelo ohlelo lokulungisa imingcele yezigaba kukhetho oluzayo luka 2023.
UKhomishina weZEC uNkosazana Joyce Leticia Kazembe uchasisa ngaloluhlelo.

"Khathesi silungiselela u2023, sesiqale iprocess yokuthi sibelamaboundaries edelimitation, asibali ukuthi kulabantu abanganani kusiaba sibala abantu ababhalisele ukuvota kuqakathekile ukuba abantu bayebhalisela ukuvota."

Wengeze ethi okwamanje bafuna ukuyadinga usekelo lwedale lephalamende kuhlelo lweDelimitation kungakasungulwa olokubala abantu kulungiselelwa ukhetho kumnyaka ka2023.

“Khathesi siluniselela ukuya edale lephalamende ukuyacela amandla okuba siqhube uhlelo lwedelimitation singakayenzi icensus ngoba idelimitation ikhanela ukuba bangaki abantu ababhalisele ukuvota nakho siqala amanje ngoba asikasikhathi u2023 useseduze abantu abayebhalisela ukuvota. UBulawayo simkhuthaza ukuba ayebhalisela ukuvota ukuze izigaba zabo zinaphamabniseki kumbe singanciphi nemva kwedelimitation preocess abantu abayebhalisela ukuvota."

UKhomishina Kazembe uthembise ukuba bazakuyafika emaphandleni bebhalisela abantu ukuvota.

“Emakhaya sizahamba, kukhetho olidlule safika emakhaya sabhalisela ukuvota ngakho ngemitshina yethu eyi3000 sizayenelisa ukuyafinyelele ebantwini abasemakhaya babhalisele ukuvota ukuze uma sesisenza idelimitation bengaqunyela iziaba zabo zokuvota, loba manje abantu abayebhalisela ukuvota eziqintini zabo ikakhulu labo asebeleminyaka elitshumi lasifica munwe munye."

Ikhomishini yeZEC isifike esibangeni esiphezulu kumalungiselelo okubhalisela ukuvota kokhetho luka2023 belungiselela ukuqala ukuphawula ububanzi lemingcele yezigaba zokuvota lobanje idale lephalamende lingakabaphi amandla okuqhuba loluhlelo.

Abe ZEC bazama ukwenqabela ukubalwa kwabantu kulandelwa isisekelo sombuso esidala ngakhoke idale lephalamende yilo okumele lilungise leyo mithetho ukuze ihambelane lesisekelo sombuso esalotshwa ngo2013.

Udaba olweDeliminitation siluphiwa nguAnnahstacia Ndlovu
please wait

No media source currently available

0:00 0:03:52 0:00

Facebook Forum

XS
SM
MD
LG