amalinks wokungena

Breaking News

ZEC: Abatholakala Bebhalisele Ukuvota Kanengi Bazajeziswa


ZEC

Okhomishina beZEC bebekhuluma lamalunga enhlanganiso ezizimeleyo kanye lezamabandla ezombusazwe lapho abazise khona ukuthi ukutholakala umuntu ebhalise kanengi akukho emthethweni.

Ukhomishina Qhubani Moyo uthe bazahlolisisa izizatho zokuthi umuntu abhalise kanengi ethi balakho njalo ukuhambisa abanye emapholiseni nxa iZEC ingasuthiseki ngezizatho lezi.

Osebenza lenhlanganiso ezimeleyo eye Emthonjeni Women's Trust unkosikazi Sikhathele Mathambo uthe kungakabotshiswa abantu kumele kuqale kuhlolisiswe ngoba kwezinye izikhathi abantu bayathutha lapho abahlala khona, kuthi ngokusweleka kolwazi bacine bebhalisa njalo besesabela ukuvalelwa phandle ngesizatho sokuthutha.

Okunye okuphume emhlanganweni lo yikuthi kuzavulwa indawo zokubhalisela ukuvota phakathi kweziqinti okuhlala khona abantu.

Obona Ngezokhetho Esigabeni sakoBulawayo,uMnu. Innocent Ncube
please wait

No media source currently available

0:00 0:01:36 0:00

UProvincial Elections Officer wakoBulawayo Umnumzana Innocent Ncube uthe iBulawayo izakuba lendawo ezingamatshumi amabili lasitshiyagalo lunye 29, eziqinitini zonke zakoBulawayo ukuze bebeseduze labantu.

Obemele uProvincial Elections Officer wesabelo se Matabeleland North umnumzana Joseph Moyo uthi isabelo lesi sizakuba lendawo ezingaphezu kwekhulu.

Abamele izabelo ze Midlands, iMasvingo kanye le Matabeleland South labo bazise ukuthi bazakuba lendawo zokubhalisela ukuvota eziphakathi kwabantu ukuze ababesele bengabhalisanga benelise ukubhalisa. Indawo lezi zizavulwa kuze kube yisikhathi sokubhalisela ukuncintisa emthethwandaba.

Abanye abakade besemhlanganweni bakhale ngesikhathi esifitshane esokuhlola amabizo kwabalelungelo lokuvota kulolukhetho.

IZEC ithi izakwazisa uzulu ukuthi indawo lezo zokubhalisela ukuvota zizaqala ukusebenza nini.

please wait

No media source currently available

0:00 0:03:34 0:00

Facebook Forum

XS
SM
MD
LG