amalinks wokungena

Breaking News

Abezempilakahle Bakhathazekile Ngokuqansa Kwenani Labatsha Abathatha Izidakamizwa


Meth Labs

Ukusetshenziswa kwezidakamizwa sekusezingeni eliphezulu edolobheni lakoBulawayo njalo abasakhulayo yibo abasebenzisa izidakamizwa emicimbini abayenzayo lemaphathini abawenzayo.

Abenhlanganiso enhlangothini ezehlukeneyo zikazulu bathi loludubo lwezidakamizwa soludala ukulahlekelwa yimpilo kanye labantu abenelisa ukusebenza bethuthukise umnotho welizwe.

Umnumzana Romio Matshazi owenhlanganiso yabasakhulayo eye Active Youth Zimbabwe uthi balenhlelo zokuncedisa labo asebebhekana lohlupho lokungaphili kuhle nxa bengathathanga izidakamizwa.

"Sisebenzisana labantu abathatha izidakamizwa ngoba silemitshina esiyisebenzisayo ukuthi siba test sibone ukuthi balezidakamizwa emzimbeni lokuthi yiziphi zinganani ezisemzimbeni. Sileservice yokubapha icouncelling silabantu abaqeqetshileyo abemetal health lama therapist ukuthi sixasane sibone umbhangela yokuthi umuntu athathe amadrugs.

U-Matshazi uqhubeka echasisa ngengozi edalwa yizidakamizwa emzimbeni.

"Sile yinye iprograme okuthiwa yi detoxification program leyoiyasincedisa ukuthi iflash out idrug nxa lithethwe lisalela emzimbeni kule poison esalela emzimbeni okuthiwa ngamadrug reseduce ngedetoxification program kuyancedisa ukuthi idoti esalayo emzimbeni ehlukumeza umuntu oyivictim oyabe ethatha izidakamizwa kuyabe kulokhe kumgulisa kumlimaza so iprogram leyi iyancedisa ukuthi incekeza iphume and koBulawayo ontanga ba affected kakhulu because sekulaleyi okuthiwa yiCrystal meth ubungozi bayo bulingana lobeCocain ngoba ilamaside effects angayenziyo.”

Unkosikazi Thandeka Mlilo isakhamuzi sakoBulawayo ngumzali othi ulomtwana othatha izidakamizwa.

“Ukuhlala lomuntu othatha ama drugs kunzima njalo kuyingozi umuntu wakhona engaswela imali yokuwathenga ubalolaka kakhulu uyathatha lempahla endlini ayethengisa ukuze athole imali. Kubuhlungu kakhulu ngoba uyakwanisa ukuhlala engaziwa ukuthi ungaphi njalo uyenza noma yini.”

Umnumzana Mission Ncube esinye njalo isakhamuzi sakoBulawayo uxwayisa laboabathengisa okudakayo kungabaphatha njani nxa yikuyikuthi ngababo abantwana abathengiselwayo.

"Nxa umuntu ethengisa amadrugs impumela yabakwenzayo nxa sebethethe amadrugs, kambe nxa kuyikuthi sekusenziwa kuwe ukuthathe ngokuthi bathengiselwe ngomunye abesesenza okubi kuwe ungakuthatha njani. Nxa umuntu ethengisa amadrugs kacabange acabangele omunye umuntu, nxa ungumzali uthengisa amadrugs ake ucabange ukuthi okuzavezwa yilokho kubuhlungu okwedlulileyo nxa sekusenzakala kuwe.”

Udokotela Nemache Mawere ongumqondisi wesibhedlela sabagula inqondo iEngutsheni, wengqabe ukuthatshwa ilizwi kodwa uchaze ukuthi abantu abalethwa esibhedlela begula inengi labo abangabe beyisilinganiso sokungamatshumi ayisithupha kusiya kusitshiyangalo mbili ekhulwini-60-80%, kuyabe kuyilabo abayabe bebanjwe ngumkhuhlane ngemva kokuthatha izidakamizwa njalo kungabantu abaleminyaka ephose ephakathi kwamatshumi amabili kusiya kengamatshumi amahlanu yokuzalwa.

Izidakamizwa ezisenthsenziswa ngabatsha kakhulu zigoqela iskunk, crystal meth, broncleer kwesinye isikhathi basebenzise amaphilisi agoqela idiazepam le haloperidol.

please wait

No media source currently available

0:00 0:04:24 0:00

Facebook Forum

XS
SM
MD
LG