amalinks wokungena

Breaking News

AbeZIFA Bathi Bazakwazisa Igama Lozathatha Isikhundla SikaZdravko Logarusic Osexotshwe Umsebenzi


Abenhlanganiso elawula umdlalo wenguqu eye Zimbabwe Football Association(ZIFA), sebeqalisile uhlelo lokudinga umqeqetshi omutsha weqembu labesilisa elimela ilizwe kulumdlalo elama Warriors.

Lokhu kulandela ukuxotshwa umsebenzi komqeqetsho obe khona uZdravko Logarusic, ngabeZifa, okulinyathelo elamukelwe ngenjabulo ngabalandeli benguqu elizweni.

Isikhulumeli seZIFA uXolisani Gwesela nguye uyethule lesi saziso.

“Inhlanganiso ye Zimbabwe Football Association yazisa uzulu ukuthi kubelomhlangano izolo lapho esivumelane khona ukuba umqeqetshi weqembu lama Warriors uZdravko Logarusic ake ame umsebenzi. Lokhu sikhulumisane laye kuhle kwavunyelwana sikhangele isivumelwano somsebenzi ebesisilobelane laye ngakho akusenguye umqeqetshi. Sihle sadiliza lonke iqula ebeliqeqetsha ama Warriors njalo sizalazisa ukuba ngobani abatsha asebekhona emalangeni alandelayo.”

ULoga uzibambe esidukwini kumidlalo elitshumi lane lapho iqembu lakhe elinqobe khona kanye, laba ngutshiki lobhanqa kumidlalo eyithoba minwe mbili, lanqotshwa kumidlalo emihlanu.

Ubesebenza ndawonye lo Lloyd Chitembwe kanye lo Tonderai Ndiraya bengabasekeli bakhe, uTembo Chuma engumqeqetshi wabonozinti, uWellington Mpandare eyimeneja, kwathi emidlalweni emibili eyedluleyo uBenjani Mwaruwari laye ubesephathisa engumqeqetshi wabagadli.

Facebook Forum

XS
SM
MD
LG