amalinks wokungena

Breaking News

AbeZimbabwe Abahlala EBhilithani Basola I-SADC Ngokuxhasa Umkhankaso Wokwesulwa Kwezijeziso


Izizalwane zeZimbabwe ezihlala kweleBhilithane zitshengisele phambi kwesigodlo sikammeli weTanzania ngoLwesihlanu zichothoza umongameli John Magufuli weTanzania onguye uMgcinisihlalo womanyano weSADC zisithi inhlanganiso le ilesandla kunkinga eziseZimbabwe.

Izizalwane zeZimbabwe ezihlala kweleBhilithane zitshengisele phambi kwesigodlo sikameli weTanzania ngoLwesihlanu zichothoza umongameli John Magufuli weTanzania onguye uMgcinisihlalo womanyano weSADC zisithi inhlanganiso le ilesandla kunkinga eziseZimbabwe.

Umanyano weSADC ubuxhasa ukutshengisela eZimbabwe kusolwa izijeziso ezetheswa inkokheli yebandla leZANU PF njalo yethule umbiko igcizelela lolusekelo. Umanyano weAfrican Union lawo uthi kufanele lezi izijeziso zesulwe ngoba zibhidliza umnotho welizwe.

Izizalwane zeZimbabwe zitshengisele zisithi akufanelanga inhlanganiso yeSADC isekele uhulumende kaMongameli Emmerson Mnangagwa ekukhankaseleni ukuthi izijeziso zomnotho ezetheswa iziphathamandla zebandla leZanu PF ngamazwe athuthukileyo zesulwe.

Inengi lithi okuhluphayo kumnotho welizwe kubangelwa yikwehluleka kwebandla leZANU PF ukubusa.

Abaqoqe lokhu ukutshengisela banikeze ugwalo lwabo lwezikhalazo kumeli weTanzania eBhilithane ukuthi aluse kumongameli walelolizwe kanye lamanye amazwe eSADC. Bathe akufanelanga izijeziso zomnotho zesulwe uhulumende kaMnangagwa engakaguquli indlela abusa ngayo.

please wait
Embed

No media source currently available

0:00 0:03:06 0:00


Facebook Forum

XS
SM
MD
LG