amalinks wokungena

Breaking News

AbeZimbabwe Abaphephelela kwele Bhilitane Bathi Bagcinwe Kahle


Inhloko kahulumende wele Bhilitane, Unkosikazi Theresa May.
Inhloko kahulumende wele Bhilitane, Unkosikazi Theresa May.

Minyaka yonke kusukela mhlaka 18 kusiya ku24 Nhlangula yiviki yokunanza iziphepheli emhlabeni wonke jikelele. Izolo mhlaka 20 Nhlangula bekulemicimbi yokukhankasela ukuthi amazwe omhlaba amukele njalo alondoloze iziphepheli.

Zinengi iziphepheli ezidabuka kweleZimbabwe ezamukelwa nguhulumende weleBhilithane wazigcina ngoba zibalekela umbuso kaMnu Robert Mugabe owayebusa ngobudlwangudlwangu obukhulu. UMnu. Fortune Sibanda ubona ngezamalungelo oluntu njalo ukhangele kakhulu isiphepheli

“Kukhona abanye asebe manejile ukuthi basettle down kuhle, they are contributing to ezomntho zalelilizwe kulabanye abalokhe bengakatholi imfanelo zokuhlala lapha . Silusizi kakhulu ngoba Abantu laba sebelesikhathi eside belapha and we all wish ukuthi ngabe kuthwa sebengabantu asebehlezi kuhle,” kutsho uSibanda.

UMnu. Arthur Molife wenhlanganiso yeRefugee Action Group uthi iziphepheli ezingelamaphepha zithwele amagabha avuzayo eBhilithane.

“Iviki eqakathekileyo ekukhangeleni udaba lwe refugee lama asylum seekers lapha ikakhulu eNgilandi igovernment ye Ngilandi labantu beZimbabweans abantu bakithi eZimbabwe baphethwe kubi lapha singahlali njengokuthi kumbeni kuthwa bahlezi kuhle hatshi baphethwe njengezigqili baphethwe njengama criminals,” kutsho uMolife.

Abaphiwa amaphepha bathi kubo kumnandi bayazisebenzela njalo impilo imnandi, omunye wabo nguDumezweni Dube.

“Siyabonga British government has protected us we have been accepted in the community we are contributing siyasebenza abehluleka ukusebenza I government iyabanakekela .So ye as refugees kuma Western Countries particularly England kungcono l feel protected and safe,” kutsho uDube.

Unkosazana Viola Mumba uthi cha akunjalo bahlangana lenhlupho ezinengi

“Hayi endi sithwele kanzima kulelilizwe bakithi.Ekhaya le emuva sabaleka kunzima lapha lakho kunzima awuphiwa indawo yokuhlala.Noma ungazufune ukuthi uncedwe ngani akulanto abangakunceda ngayo,okwakho okusenhlizweni okucabangayo yikubana uyisiphepheli.Ukuba yisiphepheli yinto ebuhlungu bakithi empilweni noma uphiwe lawo maphepha akuncedi ngalutho kubuhlungu ukuba yisiphepheli,” kutsho uMumba.

Iziphepheli zihamba malombolombo, ezinya zisifa, ezinye zilimala zibaleka emazweni eziphuma kuwo zisesaba ukubulawo ngendaba zombusazwe, ezenkolo, lezinye izizatho ezenza umuntu aphuthume ayecela ukuphephela kwelinye ilizwe yikho nje amazwe omhlaba abona kufanele ukuthi abe leviki yokunanza emhlabeni wonke jikelele.

XS
SM
MD
LG