amalinks wokungena

Breaking News

AbeZimbabwe eSouth Africa Bathi Kayithenge Ukudla Imali Yedili LikaMongameli Mugabe


Abenhlanganiso yeZimbabwe Community in South Africa

Iqula lenhlanganiso zabeZimbabwe ezikazulu lezamabandla ezombusazwe kweleSouth Africa selisole kakhulu inyathelo leZanu PF loMongameli Mugabe lokuhlela ukusebenzisa amadola afika isigidi ($1 million) egigini lokuthakazelela iminyaka eyisitshiyagalolunye lambili (92 years) umonganmeli ezelwe.

Umongameli Mugabe lomkakhe unkosikazi Grace Mugabe ekuthakazaleleni ilanga lakhe lokuzalwa ngomnyaka ka2012
Umongameli Mugabe lomkakhe unkosikazi Grace Mugabe ekuthakazaleleni ilanga lakhe lokuzalwa ngomnyaka ka2012

Leliqula luqhube umhlangano labezindaba eJohannesburg ngoLwesihlanu, laselihambisa ugwalo lwezikhalazo ehofisini yomeli weZimbabwe kweleSouth Africa likhuthaza uMugabe ukuthi athathe limali athengele ukudla izigidi zabantu beZimbabwe abalambayo.

Inhlanganiso lezi zichaze idili eliqoqwe yiZanu pf njengokudlaliswa kwemali, ubutshapha, ukunganaki lokwehluleka ukubusa.

Umnu. Ngqbutho Mabena owenhlanganiso yeZimbabwe Community in South AFrica
Umnu. Ngqbutho Mabena owenhlanganiso yeZimbabwe Community in South AFrica

Umgcinisihlalo wenhlanganiso yeZimbabwe Community in South Africa umnumnzana Ngqabutho Mabhena uthi kuyethusa ukubona umongameli esiba lesibindi esingaka esokuthatha isigidi samadola ezijabulisa kukanti izinkulungwane zabantu elizweni basendlaleni eyesabekayo.

"Besicabanga thina ukuthi nxa engubaba welizwe othanda abantu kumele athathe i$800,000 leyi badingele abantu ukudla bengakhethi ukuthi ubani ngowaliphi iqembu. Banike ikakhulu abantwana labomama ikakhulu abazithweleyo abehluleka ukuthi badle".

Uhulumende usanda ukumemezela ukuthi udinga amadola ayibhiliyoni lengxenye ($1.5 billion) yokudingela ukudla abantu abedlula izigidi ezimbili (2.4 million) abadla imbuya ngoluthi ngenxa yendlala ka El Nino.

Inhlanganiso ye UNICEF yona ithi kudingeka amadola ayizigidi ezilitshumi lambili ($12 million) eyabantwana nje kuphela asebesidla ingqweqwe zomlomo ngalindlala.

Umgcinisihlalo weMDC –Green kwele South Africa umnumnzana Leonard Dube uthi uMugabe usaselalo ithuba lokuvimba ukuchithwa kwale imali ukuze isetshenziswe ekulwiseni indlala elizweni.

"Akulakudla, emasimini kuyatsha, izifuyo ziyafa, ubone umuntu omdala ahambe ekoleka imali ebantwini lezo mali okumele ukuba kube zi feeder lawo mafamily, yena uyazithatha ayenze leyo bash yakhe",

Lezi inhlanganiso sezilobe ugwalo lwezikhalazo zalusa ehofisini yomeli weZimbabwe kweleSouth Africa. Umkhokheli webandla leLiberal Democrats kweleSouth Africa umnumnzana Vusumuzi Sibanda uthi kusegcekeni okomtshayeli wethalakitha okumunyethwe yilolugwalo.

"Into esiyifisayo yikuthi bavalenje lento bathathe lemali bayifake kule i$1.5 billion abathi iyadingeka ukuthi abantu bathole ukudla".

Isiphathamandla sebendla leZAPU kweleSouth Africa mnumnzana Future Msebele yena uthi kuyadanisa kakhulu okwenziwa nguMugabe lebandla lakhe.

"Kubi kakhulu lokhu. Idrought ekhona, kungasidrought kuphela, iZimbabwe almost yonke isystem ekhona is collapsed. I health sector icolaspsile, I education sector icollaspile. Imali leyo ibingasetshenziswa entweni engcono kakhulu kulokucelebrator ibirthday yomuntu oyedwa".

Inhlanganiso ezisekela ugwalo olusiwe ehofisini yomeli weZimbabwe kweleSouth Africa zigoqela ezombangazwe eye Liberal Democrats, eyeZapu, eyeZimbabwe Communist Party, eye MDC Green, lenhlanganiso zikazulu ezibalisa eyeZimbabwe Community in South Africa, MIWUSA leye ZARU.

AbeZimbabawe abaseSouth Africa bakhathazwa yimali esetshenziswa ukwenza idili likaMugabe
please wait

No media source currently available

0:00 0:02:58 0:00
Lapho esitholakala khona

XS
SM
MD
LG