WASHINGTON DC —
Abezinkonzo bathi badangele ngokwaliswa ukwenza imilindelo yokungena emnyakeni omutsha.
Isikhulumeli samapholisa uMnu Paul Nyathi utshele iphephandaba leChronicle ngoMvulo ukuthi imbuthano yonke egoqela eyamasonto leyamagigi ayisoze ivunyelwe ngesizatho seCovid-19.
Uxwayise ukuthi izephulamthetho zizabotshwa zivalelwe.
Umqondisi wenhlanganiso yeZimbabwe Christian Alliance uMfundisi Useni Sibanda utshele iStudio 7 ukuthi kuyabadanisa lokhu ngoba amapholisa ethethe isinqumo lesi engazange ekhulumisane labezinkonzo.
USibanda uthe kungasenani, amakholwa asezalindela umnyaka omutsha ngenkonzo azaziqhubela enkundleni zobulembu ngenhlelo zabomabonakude.