amalinks wokungena

Breaking News

AbeZPRA Baphanyeka Isicelo Edale Lephalamende


ZPRA
ZPRA

Abalwa impi yenkululeko bengaphansi kweviyo lebutho eleZimbabwe People’s Revolutionary Army (ZPRA) bethule isikhalazo kukomidi yedale le phalamende ebona ngezomvikela sokuphikisa umthetho oweVeterans of the Liberation Struggle Act, besithi laloba ujonge ukuphathisa ukulondoloza amalungelo abalwa impi yenkululeko kunengi okutshiywe phandle kwawo.

Isikhulumeli senhlanganiso yabalwa impi bekuZPRA uRetired Colonel Buster Willie Magwizi uthi zinengi izikhexe kulumthetho.

“Kulento okuthiwa khona yi non- combatant cadre, lalokho okuthiwa yi Transit Camp, umthetho lowu, wawungacacanga kahle, kahle ukubana khona into okuthiwa yi non-combatant cadre yinto bani njalo le Transit Camp yinto bani. Umthandazo wethu yikuthi i Non-Combatant Cadre ibe khona. Uthi wona wonke umuntu onga wathathwa ngalo umthetho, owachaphayo umngcele weZimbabwe, waya kwelinye ilizwe, wayancedisa ngesikhathi sempi yenkululeko, ngabe wayeyiZANLA kumbe iZPRA.

Owesifazane ongomunye wabalwa impi yenkululeko uNkosikazi Grace Noko, uthi lumthetho welekelela kakhulu kwabalwa impi bengabesilisa.

“Abanye bethu sabuya, umendo kawuzange ube khona kodwa ngilabantwabami engifisa ukuthi mangihamba, abantwana labana basale bethola inzuzo le ebengiyithola. Khepha kulendaba yokuthi, uzathola ukuthi ukuze bayeyithola mina nina sengingasekho, imali leyana kayisaphumi. Kumbe ma isisiyaphuma, isingaphansi.”

Umsekeli kanobhala ku ZIPRA Veterans Association umnumzana Job Ndlovu uthi isifiso sabo yikubona uhulumende ebanakekela njengalokho okwenziwa abelungu abalwa bekuviyo le Rhodesia Front.

“Lakhathesi abanye abaphetsheya bayazuza ngcono kulathi ngoba kwakulalokhuyana okuthiwa European Scale, abakwesulanga okuyinto lokhuyana, uhulumende uyakwazi. Kuyasimangalisa ukuthi uhulumende unanzelela ukuthi anike abamhlophe umhlabathi kodwa enganikanga abalweli benkululeko abayibo abagijima phezu komsebenzi.”

Isiphathamandla seZanu PF, umnumzana Believe Gaule uthi lumthetho awumelanga wehlukanise abalwa impi yenkululeko.

“AmaWar Veterans amele ebe united, under one umbrella. Bengayehlukaniswa yikuthi labana babekuwing le eye ZIPRA kumbe eyeZANLA kumbe eyani, hatshi. Mina ngibona angani ekumeleni konke khonokho, ngabe bakwenza beme bendawonye ngoba bemele ama War Veterans, War Veterans of the Liberation Struggle. ”

Ingcwethi kwezemithetho ezigoqela ezisedale lephalamende zithi inyathelo eselithathwa ngabe ZIPRA Veterans Association seliphuzile ukulethwa kukomidi ebona ngezomvikela ngoba lingalisoke liguqule lumthetho.

Edabeni lokubuyiselwa impahla kwabalwa bekuviyo le ZPRA umphathintambo wogatsha lwezemithetho eyisiphathamandla njalo ebandleni le Zanu Pf umnumzana Ziyambi Ziyambi wakubeka sobala esikhathini esedlule ukuba bona bazolandela okumunyethwe ngumthetho.

please wait

No media source currently available

0:00 0:03:15 0:00
XS
SM
MD
LG