amalinks wokungena

Breaking News

Abongi BakoBulawayo Batshengisela eMpilo Hospital Ngesikhathi Kubotshwa Abanye Babo eHarare


Abongi betshengisela koBulawayo

Abongi bezibhedlela zikahulumende ezakoBulawayo, ezigoqela iMpilo, UBH kanye le Ngutsheni bahlangene ngoMvulo esibhedlela seMpilo betshengisela bekhonona ngeholo abalitholayo abalithi lincane kakhulu okokuthi aleneli ukubaphilisa lemuli zabo njalo bafuna libhadalwe ngedola leMelika.

Abongi abafika phose amakhulu amahlanu babuthane esibhedlela seMpilo koBulawayo, bafole betshaya itoyitoyi, behlabela njalo bephethe amabhakane alotshwe izikhalazo zabo.

Amabhakane la abelotshwe okunengi okugoqela ukuthi bona bafundela umsebenzi ngakhoke kumele bahlonitshwe ngeholo abalitholayo, ebisithi “We are professionals we are not laborers”, “Those bond notes are not worth our work” lokunye okunengi. Bathi njalo iholo lenkulungwane ezintathu zamadola eZimbabwe, aleneli lutho, ngoba nxa liqathaniswa ledola leMelika kutsho ukuba bahola amatshumi amathathu lanhlanu amadola ngenyanga ngakhoke ababuyeli emsebenzini uhulumende aze abahlawule iholo ngedola leMelika.

Abongi betshengisela koBulawayo
Abongi betshengisela koBulawayo

Umnunzana Antony Majongosi umgcinisihlalo weZINA esibhedlela seUBH uthi okwakhathesi abenelisi ukuthi babuyele emsebenzini uHulumende angabaphenduli kulokho abakhala ngakho.

‘‘Namuhla sibuye ngapha eMpilo ukuthi sidemostrate ngendaba yokuthi igovernment izithulele since sakhuluma ukuthi asikwanisi ukubuya emsebenzini,igovernment ayikwanisi ukhuluma ukuthi izayenzani ngendaba leyi. So khathesi sifuna ukuthi basizwe sibili ukuthi sifuna imali nge USD, ibond labo alisakwani ukuthi siphile so sifuna iGovernment sihlale phansi layo kodwa khathesi asikwanisi ukuthi sibuye emsebenzini.’’

Umnunzana Eventhough Siziba unobhala jikelele wabongi uthi ukutshengisela kwabo kuyaqubekela phambili kuze kube lesivumelwano loHulumende.

“Elikubonayo lapha yikutshengisela kokungathandi isiphatho esisinikwa ngabe mpilakahle iministry of health ukuthula kwalo ngemva kokuthisesibatshelile ukuthi sesiyehlulekile not ukuthi asithandi ,siyathanda umsebenzi wethu kodwa asisakwanisi ngokuthi izinto sezikhwelile sesifuna amaUSD kodwa lokhe lisinika amaRTGS liwaquma amartgs akhona .Akusakwani sesithwa yonke indawo as we speak lapha kula banye abaseLangeni abaphila nzima lemuli zabo nothing have been done babambe icovid lapha empilo beyibamba ngoba akula zinto ezikwanileyo for testing and icontact tracing yakhona akusebenzi okuyinto kwakhona that is why sisithi asikwanisi ukusebenza kuze kubelesolution.”

Abongi betshengisela koBulawayo
Abongi betshengisela koBulawayo

Ukukhalala umsebenzi kwabongi sekusedlula amaviki amabili njalo emaWadini kusebenza abongi abasafundela umsebenzi kanye laboSister in Charge abangavunyelwa ukukhalala umsebenzi. Inengi labongi alibuyi emsebenzini kuthi kwezinye izibhedlela bayabe bezihlalele phandle bewothamele ilanga.

Unkosikazi Sifiso Ncube omunye obebuye ukuzohlolwa ngodokotela uthi umumo usumubi kakhulu esibhedlela ngoba abongi bebalutshwane.

“Isimo sesisibi kulezi insuku ngoba sesithatha isikhathi eside sisesibhedlela njalo sesisengozini yokuthi sithole umkhuhlane, okunye engikunanzelelayo yikuthi ukutester icorona yinto engekhoyo ngoba sizingenelanje singagezanga lezandla. Okukhalelwa ngabongi yinto esegcekeni mina isifiso sami yikuthi uhulumende angenele kusase masinyane abaphe abakufunayo.”

Inkokheli yesibhedlela seMpilo zenqabe ukuphendula imbuzo yokukhuluma labameli besibhedlela seMpilo yehlule ngoba kungela loyedwa ovume ukukhuluma. Imizamo yokuxhumana labogatsha lwezempilakahle yehlule. Umnumzana Donald Mujiri oyisikhulumeli sogatsha lolu wazise iStudio 7 ukuthi ubebambeke emhlanganweni.

Abongi betshengisela koBulawayo
Abongi betshengisela koBulawayo

Uhulumende wathembisa ukukhweza iholo lezisebenzi zakhe zonke okugoqela abongi ngesilinganiso sokungamatshumi amahlanu ekhulwini - i50% kanye lokubanikeza amadola eMelika aphezu kwamatshumi ayisikhombisa USD75.00 njengendlela yokwehlisa ukuhlukuluzeka kwabo. Kodwa konke lokhu kwaliwa ngabongi bethi imali yakhona ayiseneli ukubaphilisa.

Esibhedlela seHarare Central Hospital abongi abalitshumi lantathu-13, babotshiwe besanda kubuthana, bengakaqali ukutshengisela. Umkhokheli wenhlanganiso yabongi eyeZimbabwe Nurses Association umnumzana Enock Dongo uthi ababotshiweyo bavalelwe enkambeni yamapholisa eye Mbare police station Uthe njalo okwamanje abakaphiwa idocket elichaza ukuthi betheswa cala bani.

Abenhlanganiso yamagqwetha alwela ilungelo loluntu abe Zimbabwe Lawyers for Human rights-ZLHR, abayibo abammela abongi laba bathi ababotshiweyo laba, bazalala bevalelwe namhlanje njalo bakhangelelwe ukumiswa phambi komthethwandaba kusasa ekuseni.

Facebook Forum

XS
SM
MD
LG