amalinks wokungena

Breaking News

UAfonso Dhlakama weRENAMO Kasekho


FILE: UMnu. Afonso Dhlakama loMongameli Arnando Guebuza besanda kulobelana isivumelwano sokubeka izikhali phansi.

Umkhokheli wamalwecatsha awe RENAMO, uMnu. Afonso Dhlakama, kasekho.

Umsakazo weVOA Portuguese Service ubika ukuthi uDhlakama, owaziwa kakhulu ngokulwisana lohulumende webandla leFRELIMO kwele Mozambique, ubhubhele enkambeni yeRENAMO eyeGorongosa.

Akwaziwa ukuthi ubulewe kuyini uDhlakama lobanje abanye besithi ubelomkhuhlane wetshukela. Abanye bathi ubelesifo senhliziyo.

Omele umdeni wako Dhlakama ongafunanga ukuvezwa igama lakhe uthe uzakhuluma lomsakazo weVOA Portuguese Service ngesikhatshana lobanje engasakwenzanga lokhu.

Abamele amazwe atshiyeneyo abasebenzela kwele Mozambique kubikwa ukuba bakhulumisane ebulenjini beInternet lakubomakhalekhukhwini ngodaba lolu.

Kasenelisanga ukuxoxa ngalokhu lohulumende weFRELIMO.

Ibutho leZimbabwe ele 6th Brigade lake lalwisana leRENAMO ngesikhathi livikela impompi zamafutha ezimota lacina licelwa nguhulumende kamuyi uSamora Machel wakwele Mozambique ukuthi livimbe amalwecatsha la ayesidla amahabula efuna ukumsusa esikhundleni.

Kulamasotsha eZimbabwe abulawa ngesikhathi lesi lobanje uhulumende kowayengumongemeli welizwe uMnu. Robert Mugabe engavezanga inani labafela eMozambique.

Facebook Forum

XS
SM
MD
LG