amalinks wokungena

Breaking News

African Union: Kuyacaphula Njalo Kuvusa Ulaka Ukuthi uTrump Athi Sivela Kuma 'Shithole Countries'


FILE - UMongameli Donald Trump loSenator Dick Durbin, (Democrat) emhlanganweni lapho athuka khona abantu beAfrica leHaiti.
FILE - UMongameli Donald Trump loSenator Dick Durbin, (Democrat) emhlanganweni lapho athuka khona abantu beAfrica leHaiti.

Isigodlo seAfrican Union kwele Melika sithi uMongameli Donald Trump kumele axolise amazwi akhe okuthi abantu beHaiti labavela kuzwekazi leAfrica basuka emazweni othuvi.

Abamele isigodlo lesi edolobheni leWashington DC, bathi amazwi kaTrump akahambelani lokuhlonitshwa lilizwe leMelika elakhiwa ngabantu abavela emazweni atshiyeneyo njalo eliqakathekisa ukuhlonitshwa kwabantu bonke.

Bathi kumele uTrump axolise ngoba kathethisanga abantu abakuzwekazi leAfrica kuphela kodwa abantu bonke abalenkaba zabo ezigxile kuzwekazi lelo abahlala eMelika lakwamanye amazwe.

“Inhlanganiso yeAfrican Union Mission ifisa ukukubeka sobala ukuthi kuyacaphula, kuyadanisa njalo kuvusa ulaka okukhulunywe nguDonald Trump ongumongameli welizwe leMelika. Ukhulume into elihlazo engahambelani lenhlonipho enikwa abantu bonke lilizwe leMelika eliqakathekisa ukuhlonitshwa kwabantu abatshiyeneyo emhlabeni wonke jikelele.

“Sisethula ukumangala kwethu lokhu, ukusola lokuzonda ngalokhu okwethulwe nguTrump, sileqiniso lokuthi thina njenge African Union siyabona ukuthi uTrump labanye bakhe kabakwazi okwenzakala kuzwekazi leAfrica. Kuqakathekile ukuthi kubelokukhulumisana okuphakeme phakathi kwenkokheli yezwekazi leAfrica loTrump. Siyaqakathekisa kakhulu ubudlelwano bethu lelilzwe leMelika ngakho-ke kumele sihlonitshwe ngemfanelo lilizwe leMelika kungela omkhulu lomncane.”

Amazwe amanengi kuzwekazi leAfrica okugoqela eleBotswana asecele ukuthi abamele eleMelika emazweni abo bachasise ngokugcweleyo amazwi kaTrump abathi atshengisa ukuthi ubandlulula abantu abansundu.

uTrump, osephika ukuthi wethule amazwe la, kuthiwa wakhuluma lokhu ngoLwesihlanuesemhlanganweni wokuhlolisisa indlela zokuhlala lokususwa kwabokuza kwele Melika.

Iphephandaba leWashington Post lithi uTrump wathi, “Yindaba silabantu abanengi abavela emazweni wothuvi (…shithole) la …”

NgeSilungu lokhu kutsho ukungcola lokulamba okumangalisayo.

XS
SM
MD
LG