amalinks wokungena

Breaking News

Afrobarometer: Abantu beZimbabwe Bathi Kabawufuni Umbuso Webutho


Uzulu weZimbabwe uthi lanxa elithemba ibutho lelizwe, akafuni ukuthi lingenele kwezombusazwe kumbe liphathe intambo zombuso.

Le yimpumela yokudingisisa okwenziwe yinhlanganiso yeAfrobarometer yona efumane ukuthi abantu abanengi bayesaba njalo ukulichothoza ibutho.

Inhlanganiso le ithi abantu abangamatshumi ayisithupha lane ekhulwini, i64 percent bathi bayalithemba kakhulu ibutho.

Lanxa kunjalo, abangamatshumi phose ayisikhombisa, i69 percent bathi kabafuni ukuthi eleZimbabwe likhokhelwe ngumbuso wamabutho.

Abayisilinganiso samatshumi ayisikhombisa lantathu ekhulwini, i73 percent bathi ngeke belichothoze ibutho ngoba besesaba.

Inengi likholelwa ukuthi eleZimbabwe likhokhelwa ngamabutho kulandela ukugenqula kwawo umbuso kaMnu Robert Mugabe nyakenye.

Ingcwethi kwezombusazwe uMnu Dinizulu Macaphulana uthi impumela le kumele ibe ngumbiko oqakathekileyo kubutho leZimbabwe lohulumende.

please wait

No media source currently available

0:00 0:01:54 0:00

Facebook Forum

XS
SM
MD
LG