amalinks wokungena

Breaking News

Akekho Obulawe yiCovid-19 eZimbabwe Izolo Kodwa Ababanjwe Lumkhuhlane Bangu-18


Osebenza eWilkins Hospital utshengisa amalunga edale lephalamende akwenza eWilkins Hospital lapho okuhlolwa abantu abalemikhuhlane enjenge coronavirus. (Photo: Mlondolozi Ndlovu)

Ugatsha olubona ngezempilakahle luthi akekho obulawe yiCoronavirus eZimbabwe izolo kodwa kulabantu abalitshumi lasitshiyangalombili, 18, ababanjwe lumkhuhlane.

Lokhu kukhweze inani lasebefunyenwe belomkhuhlane lo selokhu waqhamukayo laya ku7526. Asebesindile bona bakhwele ngabathathu baya ku5678.

Lokhu kutsho ukuthi abalokhu begula bangu1624. Asebefile bona bangu224.

Ezwekazi leAfrica umkhuhlane lo usuhlasele abantu abangu1,347,544 njalo wabulala abangu32,527, ngokutsho kweAfrica Centers for Disease Control and Prevention.

Emhlabeni jikelele isibhedlela seJohn Hopkins sithi usubulele abangu abangu921,698 njalo wahlasela abangu28,855,994.

Facebook Forum

XS
SM
MD
LG