amalinks wokungena

Breaking News

Akhululwe ngeBail Amalunga eMRP Ngemva Kokuhlala Entolongweni Okwenyanga


UMnu. Mqondisi Moyo, umkhokheli webandla leMthwakazi Republic Party, uthi kabaleki eZimbabwe. (Photo: Ezra Tshisa Sibanda)
UMnu. Mqondisi Moyo, umkhokheli webandla leMthwakazi Republic Party, uthi kabaleki eZimbabwe. (Photo: Ezra Tshisa Sibanda)

Amalunga ebandla leMthwakazi Republic Party (MRP) ayisitshiyagalolunye akhululwe yinkantolo yeHigh Court koBulawayo ngoLwesithathu ngemali yesibambiso, ibail, ngemva kokuhlala entolongweni okwenyanga.

Amalunga ebandla leMthwakazi Republic Party (MRP) ayisitshiyagalolunye akhululwe yinkantolo yeHigh Court koBulawayo ngoLwesithathu ngemali yesibambiso, ibail, ngemva kokuvalelwa entolongweni okwenyanga.

Abasolwa betheswa icala lokubangela udlakela ngesikhathi beze betshengisele phandle kwenkamba yeBulawayo Police Station ngenyanga edluleyo bekhonana ngababesithi yikuhlukuluzwa komkhokheli wabo uMnu Mqondisi Moyo.

Ibandla leli liqhube umkhankaso ebulenjini be-internet ogqitshwe izolo lapho ebelisola khona ukubotshwa mahlayana kwamalunga amabandla aphikisayo kanye labalwela amalungelo oluntu.

Igqwetha labasolwa uMnu Prince Bhutshe Dube utshele iStudio 7 ukuthi umahluli uthe kumele babhadale imali efika inkulungwane ezilimatshumi Z$10,000 ngamunye, njalo bazibike emapholiseni kabili ngeviki.

please wait

No media source currently available

0:00 0:02:51 0:00

XS
SM
MD
LG