amalinks wokungena

Breaking News

Akula Bubelo Obuzalethwa nguMnangagwa, Kutsho uNkosana Moyo


UMnu Nkosana Moyo ekhuluma labasekeli bebandla lakhe eGwanda.

Umkhokheli webandla leAlliance for the People's Agenda (APA) uMnu Nkosana Moyo uthi uzulu kamelanga ekhangelele impilo engcono phansi kombuso kaMongameli Emmerson Mnangagwa ngoba ezifananela nje lokaMnu Robert Mugabe.

Ekhuluma lamalunga ebandla lakhe eGwanda ngoMgqibelo uMoyo uthe ibandla leZanu PF lizahlala lisenza imikhuba efanayo kungakhathalekile ukuthi ngubani olikhokhelayo.

Ukhuthaze njalo uzulu ukuthi abhalisele ukuvota ngobunengi ukuze kukhitshwe uMnangagwa lebandla lakhe embusweni.

“UMnangagwa iparty yakhe yiZanu angithi; yikho lokhu abantu abamele bekunanzekelele ukuthi akulalutho oluguqukileyo. Lokhe kulibandla linye elisembusweni,” kutsho uMoyo.

UMnu Nkosana Moyo ekhuluma lentathelizindaba yeStudio 7 uAlbert Ncube eseGwanda.
UMnu Nkosana Moyo ekhuluma lentathelizindaba yeStudio 7 uAlbert Ncube eseGwanda.

Wengeze wathi udaba lweGukurahundi kuzamele lukhulunywe bhadla kuthi labo abalahlekelwa yizihlobo kulesisiga babe yibo abatshoyo ukuthi bafuna loludaba luphathwe njani.

UMoyo uthembise ukuthi ibandla lakhe lizalwisana lenkohlakalo alubana lithe langena embusweni lixotshe zonke izisebenzi ezingethembekanga.

please wait

No media source currently available

0:00 0:03:21 0:00

Facebook Forum

XS
SM
MD
LG