Ugatsha lwezokhetho olwe ZEC soluze lwavuma ukuthi amapholisa asevotile njalo amanye elokhu eqhubeka gemva kolulandula lokhu lanxa bekulobufakazo bempikitsha yevideo.
Lokhu kwenzakale ngemva amanye amapholisa ebikwa ephosele ebulenjini loludaba aabamabandla aphikisayo, ababalisa umkhokheli wecele le MDC uMnu. Welshman Ncube bagijima bayafika enkambeni ye Ross Camp bazibonela ngawabo amapholisa esemzileni wokuyavota. Iphephandaba le The Herald belikhuphe ebulenjini udabao lokuthi umqondisi wezokhetho kulolugatsha, uMnu. Utloile silayigwana wethese uzulu osebenzisa inkundla zokuxhumana ebulenjini, esithi lemfanekiso kayisiyoqiniso.
Kodwa ngokuya kwesikhathi loludaba lusisiwe ebulenjini kwafakwa oluthi uslayigwana usesithi ayisibo bonke amapholisa abazavota phansi kohlelo lokuvota ngeposo.
Loluhlelo luvumeza amapholisa abayabe bengekho emakhaya abo ukuthi bavote kunye lezisebenzi zikahulumende ezisebenzela phandle kwelizwe ezifana labo ambassador.
Kubikwa kulabantu abazinkulungwane eziyisificaminwe mibili abavunyelwa ukuthi bavote ngendlela yeposo.
Kodwa esinye isimanga yikuthi ukhetho ebeluthiwa belusenziwa ngamapholisa bebesima emzileni kulokuthi bathumele ngeposo amavoti abo, njengokutshiwo libizo lalolhlelo, ipostal vote.
Abasekeli bebandla lezanu pf babikwa bevuke ubhova batshaya izakhamizi zechitungwiza enyatsime kabuhlungu ngolwesithathu ebusuku bezethesa umlandu wokusekela amabandla aphikisayo.
UGibbs Dube weStudio Seven uxoxe lomunye wababone amapholisa evota ngudlu, uMnu. Mlandu Ncube ongukhansia wedolobho lakobulawayo engawebandal leMDC-T elikhokhelwa ngumnu. Morgan Tsvangirai.