amalinks wokungena

Breaking News

Akulamuntu Obulawe yiCovid-19 eZimbabwe Izolo, Ababanjwe Lumkhuhlane Bangu-24


Coronavirus, Zimbabwe

Ugatsha lwezempilakahle luthi akulamuntu obulawe yiCovid-19 eZimbabwe izolo kodwa kulabangamatshumi amabili lane, 24, ababanjwe lumkhuhlane.

Luthi njalo kulabangamatshumi ayisitshiyagalolunye lantathu, 93, abatholakale sebesindile.

Asebebanjwe umkhuhlane lo kuleli selokhu waqhamukayo sebengu7453.

Asebesindile bona sebengu5635. Lokhu kutsho ukuthi abalokhu begula bangu1596.

Idolobho leHarare yilo elihamba phambili ngabantu abagulayo lasebefile lilandelwa ngelakoBulawayo.

Inhlanganiso yeAfrica Centers for Disease Control and Prevention ithi ezwekazi leAfrica umkhuhlane weCodiv-19 usuhlasele abantu abangu1,322,452 njalo wabulala abangu31,913.

Emhlabeni jikelele, ngokutsho kweJohns Hopkins University, umkhuhlane lo usuhlasele abantu abangu27,987,325. Asebefile bona bangu906,011.

Facebook Forum

XS
SM
MD
LG