amalinks wokungena

Breaking News

Mnangagwa: Akumelanga Abathengisa Impahla Bakhuphule Intengo Santando


UMnu. Emmerson Mnangagwa labasekeli bakhe, uMnu. Kembo Mohadi loRetired General Constantino Chiwenga.

Blessing Zulu

UMongameli Emmerson Mnangagwa uthi akumelanga abathengisa impahla etshiyeneyo bethole inzuzo ngokukhuphula intengo okungelankawulo.

UMnangagwa, okhulume lentathelizindaba yeVOA Studio 7 uBlessing Zulu, uthe abantu beZimbabwe kabenelisi ukuthenga impahla elentengo ephezulu.

Wethule amazwi la kusanda kugcotshwa okusemthethweni abasekeli bakhe uMnu. Kembo Mohadi loRetired General Constantino Chiwenga eState House eHarare.

Uthe kuyamhlupha ukuthi abenza labathengisa impahla bakhuphula intengo yazo mahlayana nje benganakile ukuthi uzulu uyenelisa ukuyithenga.

“Kuyasikhathaza kakhulu lokhu njengohulumende ukuthi intengo yempahla ikhuphulwa mahlayana nje.”

Uthe usekhulumisane lomphathintambo kahulumende wezamafekithali, uMnu. Michael Bimha, ngodaba lolu.

“Ngike ngabalomhlangano izolo loDokotela Bimha sakhuluma ukuthi kumele enze umhlangano labalungisa impahla kanye labayithengisayo ukuze bakhulumisane ngodabalolu.”

Abantu beZimbabwe bakhala ngokukhuphulwa kwentengo yempahla elizweni besithi kabasenelisi ukuthenga isinkwa, amafutha ezimota lokunye okufanayo osokubiza imali enengi.

Bathe abanye abathengisa impahla enje bakhuphule kakhulu intengo yayo ngesikhathi sekhefu leKhisimusi.

UMnangagwa uthe kuyamangalisa kakhulu ukuthi intengo yempahla kwesinye isitolo iphansi kakhulu kulezinye indawo kodwa impahla yakhona ifanana.

Kodwa-ke uthe kabasoze bavimbe lokhu ngokuba lemithetho ekhangelane lentengo yempahla.

“Asifuni ukuthi kubelemithetho ekhangelane lalokhu. Sifisa ukuthi sikhulumisane labantu abenza lokhu ukuze bebekwazi ukuthi sivela ngaphi njalo siyangaphi. Sibona engani kumele bezwele abantu hatshi ukuthi bathole inzuzo enengi okumangalisayo abantu bona bethwele nzima. Kwesinye isikhathi uyathola ukuthi impahla efanayo itshiyana intengo yayo ezitolo ngkuyisilinganiso sokulitshumi lanhlanu kusiya kumatshumi amabili ekhulwini (15-20%).”

Uthe kafuni lokhu kuqhubekela phambili. “Sizakuhlafuna lokhu” ukwenzela ukuthi kwenziwe ngendlela eqondileyo.

Facebook Forum

XS
SM
MD
LG