amalinks wokungena

Breaking News

Amabandla Aphikisa iZanu PF Alesithuli Ngokwenzakala eZimbabwe


Imota yamasotsha ethwele inkafulakufa emgwaqweni eHarare mhlaka 15, Lwezi, 2017.

Amabandla aphikisa elibusayo athule zwi ngokwenzakala kuhulumende weZimbabwe njalo kawabonakali emphakathini selokhe uMongameli Emmerson Mnangagwa esuse uMnu. Robert Mugabe esikhundleni sikamongameli welizwe leZimbabwe.

Kulabantu abathi amabandla agoqela eleMDC-T, ele MDC elikhokhelwa nguMnu. Welshman Ncube eleNational People’s Party kaNkosikazi Joice Mujuru lamanye kungani atshaywe yisithuli kulandela ukugenqulwa kukaMugabe.

Athuleleni amabandla la ngesikhathi kumele aqalise ukukhankasela ukhetho oluzayo? Ukuze sihlaziye udaba lolu akesizwe uMnu. Methuseli Moyo, umsekeli wesikhulumeli sebandla leNational People’s Party, loMnu. Dube Mukombwe weMDC-T.

UMukombwe uthe kunengi okwenziwa ngamabandla aphikisa ele Zanu PF okugoqela ukukhuthaza abantu ukuthi babhalise amagama kugwalo lokuvota lokukhankasela ukhetho oluzayo loba nje kungenziwa imihlangano emkhulu elizweni.

Uthe okwenzakala kubandla leZanu PF lokuhluthuna umbuso okwenziwe libutho kubhekane lebandla leli.

“Thina akulanto esingayenza ngakho ngoba bayalwisana. Esikwenzayo yikuhlolisisa ukuthi bayangaphi okwamanje ukwenzela ukuthi sibekwazi ukuthi senzani lathi okuzasenze silwele uzulu ngamandla.”

Lokhu kusekelwe nguMoyo othe “eyomdeni ivele kayingenwa. Sibukele konke lokhu okwenzakala kubandla leli okuzakwenza siphume lezinqumo ezithize ukuze silinqobe ibandla leli khukhetho oluzayo.”

Ababili laba bathi amabandla abo abezachitha isikhathi eside nga azihlupge ngokwenzekala kubandla leli.

Facebook Forum

XS
SM
MD
LG