amalinks wokungena

Breaking News

Alokhe Etheleka Amazwi Enduduzo Kulandela Ukutshona KukaTB Joshua


T.B. Joshua

Umuyi uProphet TB Joshua, obeseleminyaka engamatshumi amahlanu lasikhombisa (57)ubhubhe ngoMgqibelo ntambama ngemva kokugqiba inkonzo, njalo imbangela ilokhe ingakazakali.

Abanengi kweleZimbabwe bathi abezokholo balahlekelwe ngokubhubha kukaTB Joshua oweNigeria obesaziwa ngokuthi ngumphrofethi ngoba wayengumuntu ongela bandlululo njalo esindisa impilo zabantu umhlaba wonke jikelele.

Abanye bathi ukubhubha kukaTB Joshua, obelodumo emhlabeni jikelele kuyisimanga njalo kunzima ukuthi bakwamukele.

UNkosikazi Monica Mutsvangwa umphathintambo wezokwethulwa kwembiko uthi bazwela amanye amazwe eAfrica ubuhlungu.

Umfundisi Anderson Shereni uthi ibandla lika TB Joshua lilahlekelwe kakhulu kodwa izulu lijabulile.

UMnumzana Somandla Mathe umfundisi weKingdom Transfer International uthi ufunde okukhulu kumuyi uTB Joshua okufana lokuzehlisa.

UNkosikazi Sukoluhle Sibanda obengumlandeli kaTB Joshua ebulenjini uthi udabuke kakhulu ngoba ubelokhe efisa ukuyamvakatshela abone ubukhulu lezimanga zakhe, athi zivela kunkulunkulu.

Umuyi uProphet TB Joshua, obeseleminyaka engamatshumi amahlanu lasikhombisa (57)ubhubhe ngoMgqibelo ntambama ngemva kokugqiba inkonzo, njalo imbangela ilokhe ingakazakali.

please wait

No media source currently available

0:00 0:02:45 0:00


Facebook Forum

XS
SM
MD
LG