amalinks wokungena

Breaking News

Amabandla Aphikisa Elibusayo Alungiselela Ukulobelana Isivumelwano seMDC Alliance


Amabandla aphikisa elibusayo abumbe umanyano we MDC Alliance akhangelelwe ukuthi kusasa azalobelana isivumelwano sokusebenza ndawonye ngesikhathi sokhetho oluzakwenziwa ngomnyaka ozayo.

Amabandla la agoqela iMDC-T, MDC ekhokhelwa nguProfessor Welshman Ncube, Zanu Ndonga, People’s Democratic Party, Transform Zimbabwe, Multiracial Christian Democrats leZimbabwe People First, azalobelana isivumelwano lesi eZimbabwe Grounds edolobheni leHarare.

Kukhangelelwe ukuthi kuzabe kulabantu abanengi okumangalisayo eZimbabwe Grounds njengoba inengi labantu likhala ngokuthi kumele amabandla la amanyane ukwenzela ukususa uMongameli Robert Mugabe lebandla lakhe embusweni kukhetho oluzayo.

Abaphikisa umanyano lo bathi amabandla eMDC aseyehlulekile ukususa uMugabe esikhundleni ngakho-ke akasoze ayenelise ukususa ibandla elibusayo embusweni kukhetho oluzayo.

Kulabanye abakhonona ngokuthi bekungamelanga kuvunyelwa uMnu. Aggripa Mutambara, okubikwa ukuthi wayekuvuyo lebutho leFifth Brigade, ukuthi angene kumanyano lo.

Kulabanye njalo abantu uMnu. Tsvangirai sokumele anike amasakhulayo ithuba lokuthi bakhokhele ibandla lakhe ngoba yena seyehlulekile ukususa uMugabe esikhundleni.

Kodwa abakumanyano weMDC Alliance bathi uzaphuma esikhundleni uMugabe ngomnyaka ozayo ngoba usebhidlize ilizwe.

Facebook Forum

XS
SM
MD
LG