amalinks wokungena

Breaking News

Amabandla Aphikisayo Asola Ukhetho Lwamapholisa Olwe Postal Voting Olwenzelwe KoBulawayo


Abanye abantu ababone isiga lesi ...

Annastacia Ndlovu

Amabandla aphikisayo athi kuyayangisa okwenzakale eRoss Camp koBulawayo lapho amapholisa abevota khona ekhangelwe ngamehlo okhozi ngabakhokheli bawo ehlelweni oluphikwe yikhomishini yeZimbabwe Electoral Commission (ZEC).

Loba uNkosikazi Charity Charamba, isikhulumeli samapholisa, etshele iStudio 7 ukuthi ukhetho lolu belusemthethweni, lokhu kuphikiswe yiZEC ethe kayazi lutho ngokhetho lolu.

Amabandla aphikisayo avimbe ukhetho lolu esithi kubi kakhulu okwenziwa ngamapholisa okukhanya ukuthi bebesenza lokhu okubizwa ngokuthi yipostal voting.

UMnu. Innocent weZEC kanye loMnu. Etoile Silaigwana bathe kabazi lutho ngokhetho lolu.

UNcube uthe, “Engikwaziyo yikuthi ipostal vote kumele ibekhona kodwa bengingazi ukuthi isiqalile koBulawayo, ukungaziswa ngakho angisigxenye yakhona ngiphatheka lapho lamavoti esephenduka kumapolling station kuphela.”

UMongameli weMthwakazi Republic Party, uMnu. Mqondisi Moyo, usole indlela iZEC lebandla elibusayo abaqhuba ngalo ukhetho.

“Kuyasidanisa kakhulu, kuyasibonakalisa ukuthi iZEC leZANU-PF isiqale uhlelo lokuphekapheka amavoti njalo inkokheli zeZEC koBulawayo abakwazi ukuthi kuyavotwa okuyinto enzima le.”

Isikhulumi zeZAPU, uMnu. lphithule Maphosa, laye usole ukhetho lolu esithi indlela okuphathwe ngayo iyethusa ngoba kunje abeZEC abakoBulawayo abazi lutho ngakho.njalo abavotayo bavota bekhangelwe zinkokheli zabo zibatshela ukuba bavotele njani.

“Indaba yepostal voting igcwele isecrecy, okhokhela iZEC koBulawayo kakwazi ukuthi kuyavotwa njalo udaba lwepostal voting aluzange luchazelwe uzulu kabanzi yiZEC.

UMsekeli kaMeya wakoBulawayo, ongumgcinisihlalo weMDC-T, okhangelele ukumela iMDC Alliance esigabeni seNjube-Lobengula, uMnu. Gift Banda, laye uyakusola lokhu.

“Siyitholile ngempela indaba yokuvota kwamapholisa usizi umphathi wezokhetho ebengazi kodwa esigodlweni uthe ebabuza bamazisa ukuthi lukhona ukhetho. Kuyacaca ngempela ukuba kukhona okungahambi kahle ekhethweni luka 30 Ntulikazi.”

Amabandla aphikisayo ayayisola indlela iZEC eqhuba ngakhona uhlelo lwepostal vote bethi luqhutshwa ngundlu.

Ngomthetho iZEC kumele iqhube ipostal vote sekusele amaviki amabili ukuthi kwenziwe ukhetho.

Abazoqapha ukhetho abamazwe awe Europe abequla le European Union labo bakubonile obekusenzakala koBulawayo.

Facebook Forum

XS
SM
MD
LG