amalinks wokungena

Breaking News

Amacele eMDC, iZanu PF le ZEC Anxuswa eSweden Emhlanganweni Wokuvimba Ukugamulana Ngenxa Yezokhetho


Kubalwa amavoti okhetho.

Iqula lamabandla ezombusazwe awe Zimbabwe alamalunga edale lephalamende kunye logatsha lwezokhetho, olwe ZEC, lisuka namhla lilubhekise kwele Sweden emhlanganweni wokuxoxisana ngokuxazulula inkinga ezibangelwa yimpumela yokhetho.

Lumhlangano, oweviki eyodwa, ozakuba ukhokhelwa ngowayengunobhala jikelele womanyano wamazwe womhlaba, owe United Nations, uMnu. Koffi Annan, uzangenwa ngamanye amazwe omhlaba ayandise ukuhlaselwa ludlakela ngemva kokhetho.

Sixoxe lokhishina we ZEC, uMnu. Qhubani Moyo ukuze sizwe okunengi ngaloludaba.

“Ngizakuba ngingomunye wabaya khonale,” kutsho uMoyo. “Siyahamba kuyimi lamabandla lawa ase phalamende.”

UMoyo uthi abanye abahambayo bemele amabandla nguMnu. Douglas Muwonzora ozakuba emele ibandla leMDC-T, lo Nkosazana Priscillah Mushayi owebandla le MDC elikhokhelwa nguMnu. Welshman Ncube kunye loMnu. Fortune Chasi ozakuba emele ibandla le Zanu PF.

Uthi emhlanganweni lo kuzakuba kulengcwethi ezimbalwa ezokuxazulula inkinga ezibangelwa yikungavumelani umgcinisihlalo kungu Mnu. Anan.

“It’s a high level panel. Sizayisebenzisa njengomthombo wokuthi sithole ulwazi esingalusebenzisa lapha eZimbabwe ukuthi singasebenzisa maqhinga bani lamacebo bani azakwenza ukuthi sibonise abantu bakithi ukuthi nxa sisenza ielection contest akutsho ukuthi abantu kufuze bajikelane izinduku kumbe bagamulane ngamahloka,” kutsho uMoyo.

Uthi bakhangelele ukuthi nxa bephenduka bazasungula amakhomidi azakwenza kungabi lokuxabana ngemva kokhetho oluzayo ongqobile enelise ukuxhawulana longqotshiweyo.

Facebook Forum

XS
SM
MD
LG