amalinks wokungena

Breaking News

Abalimi Bakhala Ngokutsha Kwamabele Emasimini

  • Gibbs Dube

Amabele emasimini endaweni ezitshiyeneyo zeMandebeleni abikwa esetshile okumangalisayo ngenxa yokuswelakala kwezulu.

Abalimi abakhulume le VOA Studio 7 bathi amabele la ikakhulu umumbu vele kawusoze uvuthwe njengoba utshiswe lilanga usutshakaza.

Babikwa bebalutshwana abalimi abachinsayo lonyaka endaweni ezinjenge Gwanda, Beitbridge, Bulilima South kanye le Insiza.Bathi indlala iqhubeka isidla ubhedu lonyaka njenga nyakenye lapho abanye abalimi abangatholanga loba isaka elilodwa nje zwi.

Abalimi laba bathi loba izulu elikhulu linile ngolweSihlanu kwezinye iziqinti zeGwanda le Filabusi, kalisoze lincede kangako ukuvusa amabele la.

UMnu. Thandeko Zinti Mnkandla omele iGwanda North edale lephalamende uthe uhulumende sokumele adinge umumbu wokwabela izakhamizi ezilambayo loba nje kusese yisikhathi sokudla ihlobo.

UMnkandla uthe abantu bathwele nzima endaweni ezinengi ngokuswela ukudla njengoba bengatholanga lamakhomani emasimini.

Uthe kubalanye abalimi abathole amajodo amanengi loba nje bengasoze bavune lutho emasimini.

please wait

No media source currently available

0:00 0:02:04 0:00
Lapho esitholakala khona
XS
SM
MD
LG